رد: لو كنت بتحب منتدانا ادخل .... ولو مش يفرق معاك وفر دخولك

من طرف **hypotension** 2008-04-03, 9:19 pm

أنا بتأسف مرة تانية

بس بجد المعاد دة انا مكنتش هقدر أفتح فيه

وان شاء الله نحدد معاد تانى بس نكون كلنا متفقين عليه

ومناسب للجميع

وأرجو تقبل الإعتذار

من طرف nona 2008-04-03, 9:31 pm

بجد أسفه جدا بس بجد غصب عنى النت لسه جاى دلوقتى حالا
بجد غصب عنى سمحونى ليس لى يد فى عدم الدخول
برجاء تقبل اعتذارى مره اخرى
اااااااااااااااااااااااااااااااااااااااسفــــــــــــــــــــــــــــــــه

من طرف **SPYMAN** 2008-04-04, 12:44 am

السلام عليكم ورحمة الله وبراكاته

ولا يهمكم يا جماعه ما حصلش حاجه

hypotension

ما كتبنا من زمان وقولنا عايزين كلنا نتفق على الميعاد محدش بيرد ويوقول مناسب او لا

وكله يقول انا معاكم ولما نحدد معاد نرجع نقول مش مناسب

خلاص اتفقوا على الميعاد كل واحد يقول رأيه

nona

محصلش حاجه ولا يهمك

بس ياريت تكونى معانا فى الموعد القادم

من طرف **Eng_metwaly** 2008-04-04, 1:48 am

رجاء يا spy man أى اقتراحات ابعتهالى على الإيميل عشان أبدا أنفذها و أستطيع

من طرف **muslema_99** 2008-04-04, 6:24 am

السلام عليم

اخى الفاضل سباى مان
انا قرات المعاد داخل الموضوع
كان ممكن يجيلنا اوف لين على الميل افضل بكتير
لان حضرتك وضعته فى موضوع ربما انا مش هفتح الموضوع
كان الافضل يبقى على البوابه
او فى اعلان فوق فى المنتدى يشوفه اى عضو
اعزك الله
انا عرفت المعاد يوم الاربع
والمعاد كان غير مناسب نهائى
الافضل ان اى معاد لاجتماع يبقى ليلا

ويسر الله الامر واعتذر اخى عما حدث

لو كنت بتحب منتدانا ادخل .... ولو مش يفرق معاك وفر دخولك - صفحة 4 Sampc510

لو كنت بتحب منتدانا ادخل .... ولو مش يفرق معاك وفر دخولك - صفحة 4 Sampc510

من طرف **for islam** 2008-04-06, 3:21 pm

السلامــ عليكمـــ و رحمة الله وبركاته

بدايّة بحييكمــ على النشاط الرائع اللي بجد يشجع هنــا

و بعتذر عن قلّة تواجدي بسبب إمتحاناتي فأرجوا أن تعذروني ..

إن شــاء الله أكون عضوه فعّاله معاكمــ هنـــا , وتلاقوا مني ما يسركمــ بإذن الله

أنا إنضميت للمجموعه .. و بإذن الله هحاول أتابع هنا أول بأول

بس فيه حاجه إقتراح بحب أعرضه :

عايزين أنواع خطوط ... بحيث ميكونش كل كلامنا بخط واحد .. يعني الروتين أحياناً بيكون ممل .. و بتغيير نمط الخطـ هيعطي شكل جديد للردود .. و شكل جديد للمواضيع

و كمان بقترح عمل أحجام للخط ..

سأنتظر آرائكمــ

كل التحيّه للجميع

for islam

من طرف **SPYMAN** 2008-04-07, 1:36 am

السلام عليكم ورحمه الله وبراكاته

يقول تعالى

" ان الله لا يغير ما بقوماً حتى يغيروا ما بأنفسهم " صدق الله العظيم

للاسف واحنا مش عايزين نتغير

هنفضل نقول شعارات ومش بنعمل بيها

هنفضل نختلق الاعذار ونغلط غيرنا واحنا اصلا الى بنغلط

لو كل واحد عارف انه هو الى غلطان واعترف بالغلط مكنش حالنا بقى كدا

Eng_metwaly

اخويا متولى هبعتلك الاقتراحات وبعدين فين رايك يا اخى على هذه الاقتراحات ؟

ليه مش تكون معانا وتشارك فى الاقتراحات !!!!

muslema_99

اختى كلامك كله جميل بس ليه ربما مش هتفتحى الموضوع

مش دا المفروض حاجه مشاركه فيها وتكونى متبعها وتكون فى الاولويات عندك اول ما تدخلى المنتدى

وحكايه الاوف لاين دى

اختى بيوصل للاعضاء معاد الشات يوم السبت اكتر من المرة الف

ولا عضو بيدخل اختى بيكون الشات خالى من البشر

الى عايز يشتغل هيهتم ويتابع مش نقول اعذار مش ليها لزمه

for islam

ربنا يوفقك الاول

ثانيا قولتى جملة لفتت نظرى بتقولى النشاط الرائع

اين هو هذا النشاط للاسف احنا مش اخدنا ولا قرار حتى لحد دلوقتى

بالنسبه لاقتراحاتك اختى

للاسف الاقتراحين موجودين اصلا فى المنتدى

ما فى انواع خطوط وتكبير حجم الخط عندك فى الاكواد اختى

لاحظى معايا اسمك مكتوب بالخط الكبير ونوع خط مختلف

انواع خطوط كتير عندك

----------------------------------------------------------------------------

اخويا الادمن

الاعضاء الكرام

بعتذر عن رئاسة هذه المجموعه

يا ريت لو تتفضل وتتكرم اخى وتعين عضو مكانى لعله يفيد هذا المنتدى اكثر منى

لكم جزيل الشكر

من طرف **muslema_99** 2008-04-07, 2:08 am

السلام عليكم

اخىSPYMAN

حضرتك شديد علينا شويه

على فكره فعلا بدخل بالعافيه
ناقص على امتحاناتى شهر واحد
وهذه اخر سنه
اتمنى ان يوفقنى ربى واعدى منها

اغلب الاعضاء مش متفرغين
يعنى نلتمس لبعض الاعذار
وعلى العموم كلامك به كثير من الحق
بس من فضلك اخى نحن اخوة هنا وجه نصيحتك بلطف ولا داعى للشده فى الحديث،،
واطلب منك اخى
،،هذا راجاء ان تكمل مسيرتك وان شاء الله نكن نشطاء
ومش هنتحجج،،مع انها مش حجج بس الله المستعان
هحاول احدد معاد لنفسى فى دخزول المنتدى يكون كل يوم ساعه
بعد اذنك اخى ممكن نعمل اعلان بره مش صعب خالص
لو فيه اى اجتماع ونحدد من قبلها بكام يوم
ربنا يعزك اخى انت تقوم على عمل طيب

واكيد حميتك هذه لانك تريد ان تؤدى عملك على افضل وجه

لو كنت بتحب منتدانا ادخل .... ولو مش يفرق معاك وفر دخولك - صفحة 4 Move0014

لو كنت بتحب منتدانا ادخل .... ولو مش يفرق معاك وفر دخولك - صفحة 4 Pur2ef10

من طرف nona 2008-04-07, 10:39 pm

أخى الكريم والمتسامح جدا SPYMAN
أولامقدره تماما غضبك الشديد وده راجع لغيرتك على المنتدى وأمنيتك أنه يكون من أفضل المنتديات
بس هل تفتكر أننا نتمنى غير ذلك حتى وأن كنا مقصرين
يا أخى الكريم التمس لاخيك70 عذرا
ثانيا عند وضع أى خطه لابد ان يكون هناك مجال لاى ظرف طارئ قد يحدث
أنا عارفه ان الظروف كثرت لكن ما الحل من وجهة نظرك كلها خارجه عن ايدينا
انا واحده من الناس النت عندى مش حلو خالص بقاله مده طويله لانه هوائى يعنى مش عن قصد عدم تواجدى
ولما بيجى بيقطع بشكل غير طبيعى
مش معنى ذلك اننا مش مهتمين
كمان لازم نراعى ان كثير من الاعضاء بما فيهم انت طلبه والامتحانات على الابواب
فالحل من وجهة نظرى
يتم عمل قسم للمجموعه يتم وضع الاقتراحات داخله والرد عليها ولو مؤقتا

ثالثا وده الاهـــــــــــم
أيه حكاية الانسحاب دى
اولا مع كامل احترامنا للادمن لن نرضى لرئاستها بديل عنك لان على الاقل من وجهة نظرى وليس تقليلا لباقى الاعضاء انك خير من يرأسها
رابعا أخى الكريم خذها حكمه من أختك الكبيره ستمر عليك أمور أكبر وأكثر تعقيدا فى حياتك من هذا الامر
لا تجعل الانسحاب هو الحل الوحيد بل تحدى وجاهد قدر المستطاع (أنما تؤخذ الدنيا غلابا )
أتمنى ان لا أسمع منك كلمة الانسحاب مره أخرى
وجزيت خيرا أخى الكريم[/color]

من طرف **khaifalek** 2008-04-07, 10:57 pm

السلام عليكم ورحمة الله وبركاته
حاولت كتير امبارح انى احط الرد دا لكن النت كان غتت جدا
المهم
دا ردى

السلام عليكم ورحمة الله وبركاته
اخوانى واخواتى فى الله

ارجو اننا نلتمس العذر لأخونا سباى مان ودا لانه غيور على المنتدى وحريص على انه يلاقينا نشطاء معاه وجادين واحنا فعلا مقصرين فى الموضوع دا

لكن اخى سباى مان انت برضه لازم تلتمس العذر لاخوانك واخواتك ودا لانشغالهم وان احيانا بيصعب على الواحد فينا التواجد لظروف قهريه ومافيش حد فينا مجبر على الدخول هنا على المنتدى
اولا احنا مش بنوزع فلوس علشان الناس تتهافت للدخول معانا وبالعكس دا احنا بنغرم الناس كمان

المهم

اللى عايز اقوله
اننا نصبر على بعض شويه
ونستحمل بعض
ونفرح ان الاخ سباى مان بيشدنا جامد كدا ودا يخلينا نشتغل تجنبا لوجع الدماغ اللى هيعملهولنا
لا مؤاخذه يا سباى مان ولا كان الكلام عليك Laughing

دا انت تبقى غلطان جدا لو اتخليت عن المسؤوليه دى والاسباب كتيره :
1- ان مافيش حد يسد مكانك
2- انك بتعرف امتى تشد على الناس علشان يشتغلوا ودا شئ ايجابى جدا
3- انك لو اتخليت هيبقى تصرف سلبى جدا ومش من عادتك زى ما قولنا فى النقطه اللى قبل كدا اننا عهدنا منك الايجابيه
4- ماتعتقدش انك هتقول للناس اشتغلوا هيشتغلوا ... لازم نتعب ونزهق ونتخنق من بعض لكن فى الاخر ان شاء الله هنوصل للى احنا عايزينه
5- وبعدين انت جاى فى اهم لقطه وعايز تسيب الفيلم ؟؟؟ ... دا احنا الحمد لله عملنا الروم ومنها انت تقدر تشتغل احلا شغل يا جدع حرام عليك

قرار رقم عشرميه وعشرتاشر :
قرر جناب معالى حضرة سيادة السيد الاستاذ الفاضل ريس الليله دى كلها الديموقراطى جدا جدا جدا جدا حفظه الله ورعاه khaifalek :
قرر باستمرار تولى سباى مان منصب رياسة مجموعة لو كنت
وهذا القرار نابع من منبع الديموقراطيه الاساسى وليس الفرعى وذلك للأهميه
.
.

من طرف **SPYMAN** 2008-04-08, 3:08 am

السلام عليكم ورحمة الله وبراكاته

اختى muslema_99

ربنا هيوفقك اختى وهتعدى بأذن الله ويوفق كل الاعضاء يا رب

اختى اسف لو كان ردى عليكى شديد شويه

انا التمس العذر اختى واعلم انه كلنا قد نتعرض لظرف هذا شيىء ليس بأيدينا

اختى ولاكن ان نتعرض كلنا لظروف لا اعتقد هذا لابد لان هناك تقصير

اختى اذا كان الامر فى تحديد الموعد قولنا نعمل استفتاء ومحدش دخل ولا قال اى ميعاد مناسب

كل الى شوفته احنا معاكم حددوا بس وبعد ما نحدد نرجع نقول الميعاد مش مناسب

طيب ما ندخل ونتناقش كلنا فى الميعاد المناسب

للاسف الموضوع مقتصر على 3 اعضاء او 4 والباقى اصلا مش هنا

بس انا نفسى نكون حتى 4 نعمل حاجه

لاكن واحد بس معتقدش

اختى والله انا لسه مخلص ميد ترم الاسبوع الى فات وكنت بدخل برده خلال الامتحانات علشان خاطر الناس

اختى والله الساعه دى ما هتعطلك عن المذاكرة

اختى اذا كنت شديد عليكى لان انتى من الاعضاء النشيطة مستنى اشوف نشاطك معايا

موضوع الاعلان من عنيا اختى دا وعد وهنبعت على الايميل كمان

------------------------------------------------------------------------------

اختى nona

بعد كلمة المتسامح جدا مش اقدر اقول حاجه

اختى صدقونى انا ملتمس العذر

كلنا طلبه ولاكن لا احد ينكر ان لديه وقت فراغ يستطيع ان يفيد هذا المنتدى فيه

اقتراحك جميل جدا القسم هيتعمل بأذن الله

وبنقول لكل الاعضاء اهوة من هنا هنبدا الشغل فى القسم فورا اول ما يشتغل

علشان محدش يقول مش واخد بالى ان فى قسم

شكرا على النصيحه الرائعه اوعدك انى اخد بيها

-------------------------------------------------------------------------------

اخويا الادمن

khaifalek

ربنا يكرمك يا رب انت اخويا وانا مش اقدر انزل كلامك وشكرا ليك على الدعم

بجد علشان انا مش اقدر انى ازعل اخواتى بجد انتوا احرجتونى جدا بشكركم دا انا اقل من دا كله

لاكن ما دام وثقتوا فيا اكيد لازم اكون عند حسن الظن بيا

يا ريت محدش يزعل منى فى موضوع الشدة بجد يا جماعه دا طبعى

انا صريح وبحب اكون وقعى جدا فى ناس كتير بتقولى ان دا غلط بس بصراحه انا شايف انه صح

انا بحب لما اعمل حاجه تكون احسن حاجه يا ريت نعمل حاجه تكون احسن حاجه

بعتذر مرة اخرى لو كلامى زعل حد

لكم جزيل الشكر

من طرف **some one** 2008-04-08, 3:32 am

SPYMAN

يا ريت تاخد ايميلى لكى نتواصل مع بعض لانى بصراحه مش عجبنى الكلام ده انا زهقت كلام

ولازم نشتغل بجد وده بعد اذن الادمن اننا نتواصل عبر الخاص

ولك جزير الشكر

اخوك فى الله
some one

لو كنت بتحب منتدانا ادخل .... ولو مش يفرق معاك وفر دخولك - صفحة 4 Twist710

من طرف **some one** 2008-04-08, 4:29 pm

لو كنت بتحب منتدانا ادخل .... ولو مش يفرق معاك وفر دخولك - صفحة 4 Bissmi10

تحياتى لكم ايها اعضاء المنتدى الكرام

سوف اتناول بعض النقاط التى يجب ان نسعى لعملها ونتواصل من اجلها حتى نسير فى منظومه مبنيه على التواصل وتوزيع العمل بين اعضاء المنتدى

كلامى هذا ليس لاعضاء مجموعه لو كنت لان ان شايف ان فى ناس اشتركت فى المجموعه علشان عجبهم تغير لون الاسم بس علشان يكون مميز بس!!!!!!!!!!!

اولا:يجب عمل حصر للمجموعه من حيث الاعضاء المتفاعلين والاعضاء الغير متفاعلين ويتم اخبار الاعضاء الغير متفاعلين انهم تم خذفهم من المجموعه

ثانيا:لازم كل عضو فى المجموعه يكون ليه دور يعنى وظيفه يقوم بيها مثلا :مراقبه احد الاقسام....الدعم للمواضيع المكتوبه عن طريق تكملتها بالمعلومات ليكون موضوع متكامل

ثالثا: الاهتمام بقسم اشتكى لينا يعنى اى عضو مش عارف يكتب موضوع بشكل كويس بقول احنا اعضاء المجموعه هنعلمه ازاى يتعامل مع الاكواد وازاى ينسق الموضوع

رابعا:انا ليا نظره فى مواضيع القسم العام شايف ان كله بيكت فيه علشان يكون ظاهر والكل يشوفه واهمال باقى الاقسام

رغم ان فى بعض المواضيع فى العام ممكن تتكتب فى السياسه وجدد ايمانك والسيره يعنى لازم نختار القسم الصح للموضوع

خامسا: وده خاصــــــــــــه للادمن احب اقولك (ان ايد لوحدها مش تسقف)بمعنى انك هتعطى مسؤليات للاعضاء واللى مش

هيسد نسحب من الثقه

والاهتمام يا ريت ان يكون فى مشرفين عموم يساعدوك ويقدموا تقاريرليك عبر الايمل

لان بصراحه ان عمرى ما شفت منتدى من غير مشرفين ومراقبين

لو كنت بتحب منتدانا ادخل .... ولو مش يفرق معاك وفر دخولك - صفحة 4 1910

لو كنت بتحب منتدانا ادخل .... ولو مش يفرق معاك وفر دخولك - صفحة 4 Islami12

من طرف **khaifalek** 2008-04-08, 8:20 pm

السلام عليكم ورحمة الله وبركاته
اخوانى واخواتى
الحمد لله
مبشرات صحوه
فعلا ربنا يجزيكم كل الخير ويجعلها فى ميزان حسناتكم
ويارب نداوم ومايرجعش النوم يتمكن مننا
للمره التانيه
جزاكم الله خيرا

من طرف **khaifalek** 2008-04-08, 8:22 pm

السلام عليكم ورحمة الله وبركاته
اخى فى الله الاخ الفاضل some one
بصراحه رد عملى جدا وخطه اكاد اكول كامله بنسبة 100 %
انتوا بس اتفقوا وانا تحت امركم فى اى شئ
هتقولولى يمين يبقى يمين
شمال يبقى شمال

من طرف nona 2008-04-08, 9:52 pm

أخى فى الله SPYMAN

جزيت خيرا وهكذا عودتنا دائما عند حسن ظننا بك

من طرف nona 2008-04-08, 9:53 pm

أخى فى اللهsome one

أولا بحييك على كل ما قلت ولكن لى بعض الملحوظات البسيطه جدا

فى البدايه لازم نفترض دائما حسن النيه فى بعض ونتلمس الاعذار لبعض كما قلت سابقا SPYMAN
يعنى مش معنى ان عضو اشترك بالمجموعه ومعندوش الوقت انه يدخل انه مش ايجابى

كمان مش كل الناس بتعرف توفق بين عملين والدليل ان فيه ناس ليها نشاط جامد جدا فى المنتدى بس ظروف وقت الامتحانات مقلله نشاطها اليومين دول وهما من اكثر الناس نشاط وايجابيه ولو عايز أمثله أقولك

يبقى نعطى فرصه للناس وبعد الامتحانات نتكلم فى المتفاعل وغير المتفاعل

أما باقى ما ذكرت فأنا متفقه معك فيه تمام الاتفاق
وان فيه موضوعات فى القسم العام لازم تتنقل للاقسام الخاصه بيها
بس ده المفروض راجع المفترض لمشرف القسم

وأعتقد اخى الكريم انك وضعت يدك على كثير من النقاط الهامه بس المهم التنفيذ
ودمتم أخوتى فى الله

من طرف nona 2008-04-08, 10:01 pm

أخى الفاضل khaifalek

لى ملحوظه بسيطه او حل بسيط لاحدى المشكلات التى سبق وان ذكرها
الاخ الفاضل some one
مسألة طريقة كتابة الموضوع واستخدام الاكواد
ليه منعملش موضوع مثبت فى القسم العام يشرح كيفية استخدامها وطريقه تقديم أى موضوع بصوره صحيحه
أكيد حيوفر كتير على المشرفين

من طرف nona 2008-04-08, 10:07 pm

معلش يا جماعه اعذرونى
النت بيقطع عندى
انا بكتب الموضوع عندى على الجهاز واول ما بيتحسن بنقله
فمعلش علشان التنسيق

من طرف **some one** 2008-04-08, 11:49 pm

SPYMAN

اخى فى الله انا المقصود من كلامى اللى قولته فى الشات اننا ناخد خطوه المجوعه بقالها شهر ونصف معموله

ومفيش اى جديد تم لازم ناخد قرارت سريعه ونشتغل يعنى لو اتنين اشتغلوا هيشجوا الباقى

ده كان كل قصدى فى الحوار فى الشات

لكن انا ولا نتخانق ولا بغترض

من طرف **khaifalek** 2008-04-09, 1:46 am

السلام عليكم ورحمة الله وبركاته
الاخت الفاضله نونا
جزاك الله خيرا
والاخ some one اتطوع بانه هو اللى هيقوم بالموضوع دا
ربنا يجعله فى ميزان حسناته

من طرف **muslema_99** 2008-04-09, 9:15 am

السلام عليكم

ان شاء الله معاكم
بس بالله عليكم راعوا الامتحانات
عندك حق سباى مان
الواحد مش بيذاكر طول اليوم
بس فى "اصحابك فى المنطقه،والجامعه،ومساعدة امى ،ومذاكرتى،
يعنى فى حاجااااات كتير"ومع الامتحانات ربنا ييسر

لو كنت بتحب منتدانا ادخل .... ولو مش يفرق معاك وفر دخولك - صفحة 4 Purf8310

لو كنت بتحب منتدانا ادخل .... ولو مش يفرق معاك وفر دخولك - صفحة 4 Purf8310

من طرف **SPYMAN** 2008-04-09, 10:03 pm

اخى some one

أعلم بغيرتك وحماسك الشديد وبأذن الله مع بعض نشتغل ونشغل الناس معانا

ولا يهمك اخى فنحن اخوة فى الله

ربنا يجعله فى ميزان حسناتك

من طرف **some one** 2008-04-09, 10:42 pm

SPYMAN

لو كنت بتحب منتدانا ادخل .... ولو مش يفرق معاك وفر دخولك - صفحة 4 3310

لو كنت بتحب منتدانا ادخل .... ولو مش يفرق معاك وفر دخولك - صفحة 4 5171d014

من طرف **khaifalek** 2008-04-11, 1:39 am

السلام عليكم ورحمة الله وبركاته
ياسلام بقى لو الخطوه الجايه تكون بداية الشغل
يبقى 100 100
يللا يا سباى مان و some one عايزين القدوه