لو كنت بتحب منتدانا ادخل .... ولو مش يفرق معاك وفر دخولك

اخوانى وأخواتى الكرام انا كاتب الموضوع دا لانى فعلا زهقت

واعتقد ان فى ناس كتير زهقت فكان لازم يتكتب موضوع زى دا






ارحمونا من المواضيع الدش والكوبى من المواقع الاخرى

الامر اصبح غير طبيعى اغلب المواضيع هنا فى المنتدى كلها لا يوجد اى تنسيق

انا نفسى بتتسد وبحس بالملل من الدش والكلام الغير منسق الى بلاقيه فى اغلب المواضيع

حاجه غريبه جدا الناس مفكرة ان الامر كثرة مواضيع يحطها وخلاص مش مهم هى بتتقرأ او لا

دا انا بسيب المنتدى اقل من ساعه ارجع الاقى 5 او 6 مواضيع هتقولوا انت مش عايز المنتدى يشتغل

مش دى المشكله انا نفسى كدا فعلا بس المشكله بتلاقى منهم 5 مواضيع لعضو واحد ما فيش حتى فيهم موضوع واحد متنسق

كوبى وخلاص مش بيتعب نفسه حتى ويحاول ينظم الكلام

يا جماعه الموضوع مش كدا خالص انت لو حطيت موضوع ومتنسق كويس ويفتح النفس ويشجع ان الناس تقرأه

احسن مليون مرة من انك تحط 4 او5 مواضيع فى يوم ومحدش بيبص فيهم اصلا بيفتح الموضوع نفسه تتسد يقفله






^
^





الامر التانى

ليه كل الشغل فى المنتدى معتمد على المنتديات الاخر

ليه مش نحاول نبدع احنا مواضيع خاصه بينا

خاصه بمنتدى جنه جروب بس

يكون عليها ختم المنتدى ومن حق المنتدى

دا هيكون احسن كتير

والله لو هتعمل موضوع واحد فى الاسبوع بس تكون انت الى مفكر فيه وانت الى شغال فيه بنفسك ومنسقه ومظبطه بنفسك

والناس تقدر تستفاد منه ويأثر فيهم فعلا او يعجبهم

هيكون احسن من 20 موضوع هتحطهم فى الاسبوع ومحدش بيستفاد منهم اصلا ولا بيبصلهم وما أكثر هذه المواضيع فى المنتدى






^
^





الامر الثالث

انا كنت مفكر الناس مش بتعرف تنسق المواضيع علشان الاكواد مش شغاله

لاكن الاكواد اشتغلت ومش ملاحظ اى تنسيق الامر كما هو

دا ما فيش حتى صورة اى حاجه فى اى موضوع تظهر تفتح النفس

لو الناس مش بتعرف تستخدم الاكواد ليه مش تتعلم ليه ما فيش حد بيطلب ازاى يعرف ينسق موضوع واحنا نعلمه

مش عيب ولا حرام انك تحاول تعمل موضوع رائع ومنظم






^
^
^


لو كنا فعلا بنحب المنتدى ونحب انه يكون احسن منتدى

لازم الى يدخل يقول انا لازم اسجل فى المنتدى دا

ودا مش هيكون كدا دا هيكون بالمجهود الى احنا هنبذله فى شغلنا واتقان العمل فى المواضيع






^
^


انا خلصت كلامى

يا رب تكون الرساله وصلت

مستنى اشوف روددكم

اننا فعلا بنحب منتدنا

وهنخليه احسن منتدى بأذن الله

بس احس ان الناس فعلا عايزة تحاول تعمل حاجه

اخويا وحبيبى ضربة شمس

يجزينا ويجزيكم يا رب الموضوع حلو علشان انت فيه

شكرا لك الاهتمام بنهضة المنتدى

ممكن اكيد نصمم شعار للحمله دى

بس عايزين الناس مش نتكلم بس نشارك كمان

لان فعلا الموضوع مهم وهيفيد المنتدى كتير

اختى نور الجنان شكرا على المرور والاهتمام وحب المنتدى

ننتظر منك المشاركه معنا فى تطوير المنتدى الى الاحسن

جزاكى الله خير

اختى نونا مشكورة على المرور والاهتمام بأمر المنتدى

ودا الى احنا عايزينه مش عايزين نكون نسخة مكرره من الاخرين زى ما قولتى

ومنتظرين بعض الافكار فى هذا الامر

وسوف يتم وضع بعض الافكار من جانبى ونشوف الاعضاء هتوافق ولا لا والادمن كمان

ننتظر أن نشاهد اقتراحاتك فى هذا الموضوع بما إنك اصبحتى عضو معانا