رسائل لعيد اللحمة

نظرا للحالة الاقتصادية المرفهه جدا جدا جدا فى هذه الايام (الشباب كلة بيشتغل واية مبالغ خيالية ، الشوارع فاضية ، الشقق والفيلات مش لاقية اللى يسكنها ،اما الكبيره فنظرا لان الناس بتفطر باتيه وساليزون ودونات(ادوية للكحه متخدوش فى بالكوا ) وبتدغدى بيكاتا بالشانبنيون (دا قريب ال فك حجر رشيد ) وشيش طاووك (اللى بيبقى فى الشباك ) ومايونيز (متفرع من شارع عبد العزيز ) ومن منطلق المنفعه الخاصة لعمكوا ساويرس وامثاله وبغض النظر انها صله رحم فلازم نعيد على بعض فى العيد ونظرا للانخفاض الشديد وباكد على الشديد لسعر اللحمة فنخليها رسايل لعيد اللحمة


مبروك عليك اللحمة
وماتاكلش كتير ليجيلك تخمة
وتمشي محتاس وضارب لخمة

عيد ابتهال
وعلى اللحمة تنهال
ويجيلك اسهال
وتبلع أنتينال
وماتقولش مين قال

قبل الزحمة
وتقطيع الشحمة
وأكل اللحمة
كل عام وانت بالف رحم

قبل تزاحم الحروف وتهانى الالوف ممكن اقولك وانا مكسوف وبصوت ملهوف ممكن
حته من الخروف

كل عيد
وانت لربك طايع
لنبيك تابع
لدينك رافع
ولاهلك نافع


ألغيت كل المواعيد
حتى أكون معاك بالعيد
وأقولك
بهمس الكلام
كل عام وإنت سعيد

بحبي
الله يهديك
ويحقق
كل أمانيك
ومن أنهار الجنة
يسقيك
وبعيد الأضحـى
نهنيك

اسأل من اعد العيد
وطوى الشهر الفقيد
يمدكم بعمر مديد
يجعل حياتكم عيد سعيــد

في قلبي حطيتك ..
وبالتهاني خصّيتك
وعلى الناس أغليتك
وبعيد الاضحى هنيتك

العيد يكمل
بقبول الله العمل
وبرجوعك يا حاج
يلتم والله الشمل

يا واقف بعرفات
ومستجاب الدعوات
لسه الوقت ما فات
تتذكرنا بالدعاء

الحج موسم فلاح
والعشر عطرها فاح
عسـى كل عامك أفراح
وكل همومك تنزاح
وكل عام وانت بخير

احترت أوفر 25 قرش ولاّ أعايدك
وبعد تردد طويل وحسبة معقّدة وصراع مرير مع النفس
قررت ان الدنيا فانية وماتسواش حاجة
والبخل وحش وماحدّش ح ياخد معاه حاجة
بأقول: كل عام وانتم بخير
..والعوض على الله

لعدم توافر عيدية نقدية سيتم توزيع بوسات قوية وبعودة الايام

كل عيد طيب وانت ضحية..... قصدى كل عيد ضحية وانت خروف .......ييية كل عيد وانتم طيبين

عزيزى المشترك نهنيكم بالعيد السعيد ونذكركم بموعد استحمامكم السنوى

اللى يطوف ياما يشوف وانت بين المعيز معروف كل سنة وانت طيب يا خروف


i]اذا ما ضاق صدرك من بلاد ترحل طالبا بلدا سواها
فإنك واجد أرضا بأرض ونفسك لم تجد نفسا سواها
مشيناها خطى كتبت علينا ومن كتبت علية خطى مشاها
ومن كانت منيته بأرض فليس يموت فى أرض سواها

جميييييييييييييييييله جدا الرسايل ودمها خفيف قوي ,,

جزاكمـ الله خيــــــــــرا ,,,

وكل عامـ وأنتم بألف خيـــــــر ,,

عيد سعيد ,,

السلام عليكم ورحمة الله وبركاته
الاخت الفاضله فور إسلام
جزاك الله خيرا على الرسايل الجميله دى
وأنا بعت منهم اتنين

السلام عليكم
جميل اختى نونا
جزاكى الله خيرا اخيتى

عيد كبير وخرفان كتير

وهابى نيو يير

ولعب وطراطير

والأهلى خطير

والريس لسة قاعد كتير