نكت بايخة

بسم الله الرحمن الرحيم

السلام عليكم ورحمة الله وبركاته


كلها نكت قديمة ومريضة ومتضحكش
اللي عنده الضغط او السكر ميكملش

واحد بيحب يجرى ويجرى مابيحبهوش

واحدة وقفت تاكسي تقوله اروح المعادي
قالها روحي بس متتأخريش

مرة حيوان خرافى بشنب .. قابل حيوان خرافى من غير شنب .. قاله تلاعبنى رز وبسلة ؟؟ ... قاله ليه ؟ شايفنى شماعة ؟؟ .. قام شادد السنجة وناطط م الاتوبيس وهو ماشى !!

مرة واحد حب طحنوه

مرة واحد نط م الخامس مات !! حرم يعيدها

مرة واحد حب يمشي.....يمشي محبوش

مره واحد راح لواحد بقو اتنين

مره واحد ساب عربيته دايره ........... رجع لقها مثلث

انا مره رحت عزيت رجعت عالسمن

واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

مرة ظابط طلع على المعاش فتح محل حلوانى سماه ( التورتة فى خدمة الشعب )

مرة واحد شرب قهوة الكراسى وقفت فى زوره

مره واحد بص في الساعه لأقها واحده قالها: تجوزيني ؟؟

مره واحد وقف تاكسى قالو نادى الشمس ......... قاله ناديها انت !!

مرة سمكة غبية ماتت غرقانة
واحد راح للفكهاني لقاه مش موجود

سال طيب مفيش فكهانى تانى ؟

قالوله لا !

قالهم ولا فكتامر ؟؟


واحد مسطول دماغه لفت قابلها من الناحية التانية

واحد بلدياتنا حب يشرب سيجارة حطها ف كباية

واحد بيسأل صاحبه هو أيه الفرق بين تجارة الحشيش وتجارة عين شمس؟
قام صاحبه قال تجارة عين شمس 4 سنين انما تجارة الحشيش أقلها 25 سنة




مسطول مزور ورقة بنكنوت انما 10/10 مع ذلك مسكوه ياترى ليه؟
عشان كان مزور ورقة بستين جنيه



واحد كريم اتحرق بيته، لما جت المطافي حلف عليهم ما يعملوا حاجه لحد ما يشربوا الشاي




مره واحد ابنه طلع من الاوائل شفروه




تلميذ لزميله: هيَّ الهند بعيدة؟
الزميل : لا .. لا مأظنش أبداً .. أصل معانا ف الفصل تلميذ هندي بييجي المدرسة كل يوم الصبح مشي!


مرة واحد انجليزى و واحد فرنساوى و واحد صينى

راحو يجربو صدى الصوت الانجليزى قال هاللو

فرد عليه صدى الصوت و قال هالوووو

الفرنساوى قال بنجور

رد عليه صدى الصوت و قال بنجوووور

الصينى قال شونجا كونجا هونجاهى

فرد عليه صدى الصوت و قال بتقول ايييييييه؟؟؟؟؟؟؟؟؟؟


اتنين صحاب أغبية ...

الاول بيسأل التانى : هو ابوك مكبر علينا كده ليه ؟

التانى : ليه بس حصل ايه ؟

الاول : من ساعة ما مات مبقاش يعدى يسلّم زى الاول




واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ،

والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ،

هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ،

راحت المكنة قالت له الاستاذ شلبى فضل يستهبل لحد ما القطر فاتة




واحد شد حيله اتقطع


مرة واحد اتنين تلاتة

واحد بيقول للتاني : بتحب النكت؟
الثاني : قاله طبعا
الاول : طيب ايه هيا ابوخ نكته
الثاني : مره واحد صحي من النوم وفِطِر

مرة واحد عبيط بيقول لصحبه العبيط ما هو دليلك على ان الجزر بيقوى النظر قاله
هل رأيت ارنب لابس نظارة

*****
اثنين أصحاب خارجين من الامتحان واحد بيقول للتاني انت عملت ايه قاله انا
سيبت الورقة فاضية قاله وانت كمان عملت ايه قاله اناكمان سيبت الورقة فاضية قاله ياه كدا هيفتكروا ان احنا الاثنين غشين من بعض

*****

واحد بيسال صاحبه ليه الورق بيسقط في الخريف قاله اصله
ما ذاكرش حاجه طول الصيف

جزاكم الله خيرا
بجد مشفتش أبوخ ولا أغلس من دى نكت
جزيتم خيرا بس متكرروهاش مش محتاجه رفع ضغط هو مرفوع أصلا
وتقبلوى دعائى بالخير لجميع الاخوه والاخوات

ههههههههههه لا والله نكت مش بيخا دي نكت من كتر الهبل بتخلي الواحد .. أو الأثنين.. مش عارف كام بالظبط... يموتوا من الضحك


جزاكم الله خيراً