( أحمد بيصلي ) موضوع نقاشي ندعوكـ للمشاركه ,, تفضل معنا

أحمد دخل المسجد يصلي ,, شوفوا معايا ايه اللي حصل :


استغفـر الله العظيـم


إستووا.. إعتدلوا.. إستقيموا يرحمكم الله

الله أكبر..

أحمد ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه


الله أكبر

أحمد ركز يا أحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل

سمع الله لمن حمده


ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان

الله أكبر


هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس يا أحمد ركز ياأحمد إنت بتصلي، أستغفر الله

الله اكبر


أهوه أنا مركز أهوه، إنظر لمكان السجود وركز في الأيات اللي بيقولها الإمام

الله أكبر


الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد
غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني

الله أكبر


هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

الله أكبر


أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم

الله أكبر


السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي مده مانضفتوش

الله أكبر


الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله

الله أكبر


فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل

الله أكبر


الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

السلام عليكم ورحمة الله


السلام عليكم ورحمة الله

إيه هيا الصلاة خلصت ؟

السلام عليكم ورحمة الله

السلام عليكم ورحمة الله


أستغفر الله العظيم !!!!!

( هذا النص منقول ( نص قصة أحمد ) )

طيب يا جماعه كده أخونا أحمد خلص صلاه ,,, طيب وهي دي تبقي صلاه ,, وياترى كام وقت من أوقات الصلاه عندنا بنعمله بالشكل ده ؟؟ ,,
و كامـ وقت بنبقي مركزين و خاشعين في الصلاه ؟؟
طيب ,, إيه أسباب عدمـ الخشوع في الصلاه ؟؟
الموضوع خطير وللأسف فيه كتير صلاتهم بتكون بالشكل ده ,, عايزين نناقش المشكله مع بعض ,,

هستنى آرائكمـ ,,,

إلي اللقاء ,,

والله فعلا موضوع محتاج وقفه

بس طريقه كتابه الموضوع جميله انا مش عارف امسك نفسى من الضحك والله
جزاكى الله خيرا

السلام عليكم ورحمة الله وبركاته
حقيقى يا اخت فور اسلام انه موضوع شيق
ومن المنطلق دا انا بستأذنك انك تعمليلنا بحث عن اسباب عدم الخشوع او تفتحى موضوع تانى هدفه مناقشة اسباب عدم الخشوع
وعلى فكره
احنا عندنا دردشه
يعنى نقدر نعمل نقاش حى عليها لمده معينه مثلا كل اسبوعين نفتح موضوع جديد للنقاش على الدردشه
ايه رايكم؟؟

شكرا لـ مروركـ أخ khaifalek جزاكـ الله خيــــــرا ,,

بالنسبه لإقتراح حضرتكـ الأول بعمل موضوع مناقشه ( للخشوع في الصلاه ) , فكره رائعه إن شاء الله تنفذ عما قريب ,,

بالنسبه لإقتراح حضرتكـ الثاني لعمل موضوع نقاشي كل إسبوعين ويكون في غرفة الدردشه ,,
هقول لحضرتكـ رأيي وطبعا هو مجرد رأي مش أكتر ,, والحكمـ سيكون للأغلبيه إما بالقبول أو الرفض ,,

لكن رأيي : أنا لا أفضل غرف الدردشه ,, وأفضل المواضيع النقاشيه على صفحات المنتدى هنــا ,,

لكن بما أن مواضيعنا ستكون نقاشيه ,, وستتعدد المواضيع ( دينيه , تنمويه , إجتماعيه , شبابيه ,,, إلخ ) لذلكـ فأقترح أنها تكون في ساحة قضايا معاصره ,,

أو ممكن نعمل ساحه فيما بعد تسمي ( ساحة النقاش والحوار الجاد ) تختص بالحوار الجاد ,,

وزي ما قولت ده مجرد رأي ,, والحكمـ للأغلبيه ,,

في إنتظار رأي حضرتكـ ,,

السلامـ عليكمـ ,,

engbebo
شكرا لمروركـ هنا ,, وتعليقكـ الطيب ,,

تحيتي ,,

السلام عليكم
حقا مش عارفه اشكرك ازاى على مواضيعك الرائعه
بجد ايقظتى الجروب
جزاااااااااااااااااااااااكى الله خيييييييييييييييييييييرا
الموضوع جميل
وانا اوافقك اخى الفاضل "خايف عليك"
فى اننا نفتح الموضوع للنقاش
تقدر تحدد لنا نعاد وتعلنه ونحاول نتواجد وندخل غرفة الشات ونعرض الموضوع للنقاش
يسر الله الامر

السلام عليكم
ما شاء الله موضوع رائع بجد ويشد للقراءه
جزيتم الجنه
وانا معاكم ان شاء الله

جزاكم الله خيرا جميعا

وانا معاكم فى فتح موضوع للدردشه فى وقت معين

وأسأل الله ان يتقبل منا هذا العمل وان يجعله فى ميزان حسناتنا جميعا ان شاء الله

مسلمه ,,

نور الجنان ,,

engbebo

جزيتمـ خيرا على تشريفكمـ لي في هذه الصفحه ,,

و أنا أحترمـ آرائكمـ جميعها ,,

دمتمـ بألف خير ,,

السلام عليكم :-

for isalam جزاكى الله خيرا على الموضوع الرائع .

السلام عليكم :-

for isalam جزاكى الله خيرا على الموضوع الرائع .

زمردة الإسلامـ جزانا وإياكي يارب ,,

جزيتي خيرا على مروركـ هنا ,,

أضاتي الموضوع بإطلاتكـ الجميله ,,

تحيتي ,,

السلام عليكم ورحمة الله وبركاته
اخوانى فى الله
جزاكم الله خيرا
لكن انا اسف انى نسيت اقولكم ان دا رايى الشخصى انما لسه طبعا هيتم طرح الموضوع على فريق العمل وهناخد قرار فيه ان شاء الله ونرد عليكم
وبحب تبقى الجمله اللى نسيت اقولها دى فى اذهاننا كلنا بحيث ان اخوانى واخواتى يفرقوا بين رايى كعضو وكلمتى ك ادمن

مره تانيه جزاكم الله خيرا

جزاكي ربّي كل الخير أخت فور إسلام ,,
بجد الموضوع راائع جداا,,
وفعلا احنا محتاجين موضوع عن كيفية الخشوع ,,
ربنا يعزّك

جزاكي الله خيرا وجعل ذلك في ميزان حسناتك

أخ خايف عليكـ : أكيد كلنا هناخد بالنا من النقطه دي , و إن شاء الله ربنا يقدر اللي فيه الخير ,, وأي قرار هتاخده الإداره هنحترمه جميعا ,,

فجر الإسلامـ : جزيتي خيرا أختي على مروركـ هنا , وكل عام وأنتي بخير ,,

أخ إبن الإسلامـ : جزاكم الله خيرا ,,

تحيتي للجميع ,,

نصائح هامة لمن يسرحون في الصلاة
:::::::::::::::::::::::::::::
( إن الصلاة تنهى عن الفحشاء والمنكر )
فكيف نحد من مشكلة {{ السرحان }} في الصلاة ...؟
إليكم النصائح ....
بـــدايــــةً ..
الإستعاذة بالله من الشيطان الرجيم ....
ثم البسملة ( وليكن ذلك نابعا من القلب وليس تأدية فرض )
ويستحسن قبل الوضوء أيضا ..
ان تشعر بخشية وتقوى الله
واستحضار حب الله سبحانه وتعالى
تجميع التركيز فى بؤرة التعبد
" اى انك تصلى لله ، فكن مع الله "
استحضار حب الرسول " صلى الله عليه وآله وصحبه وسلم "
وتذكر ان صلاتك ستعرض على الله ورسوله والمؤمنين ..
فكيف تحب ان تكون صلاتك حينئذٍ !!
عند الدخول فى الصلاة وقراءة القرآن " الفاتحة "
والسور الصغيرة او ما يقرأ بعد الفاتحة ،،
تأمل آيات الله وتفكر بها ..
فالفاتحة هى السبع المثانى الذى أهداها الله لرسوله الحبيب ..
فلها مكانة عظيمة فى القرآن ،، فهى أم الكتاب ..
وهى أيضا دعاء ومناجاة عظيمة للخالق عز وجل ..
" اهدنا الصراط المستقيم "
قبل الدخول فى الصلاة ،،
أزح عن فكرك وكاهلك كل أمور الدنيا الفانية
وتذكر انك تقف أمام الله الواحد الأحد وليكن ذلك بقولك
" لا إله الا الله وحده لا شريك له ،، له الملك وله الحمد وهو على كل شىءٍ قدير "
لا تدع أمرا معلقا قبل دخولك الصلاة ..
فمثلا لا تتركى أختى المسلمة شؤون المنزل المعلقة
او مثلا إطعام زوجك او طفلك ثم تبررين ذلك بالصلاة فى ميعادها !!
واخى المسلم لا تترك ضيوفك مثلا او متجرك مفتوحا ثم تذهب للصلاة !!
تذكر ان وقت الصلاة ممتد ..
وصلاة الفرد وانت خالى الذهن إلا من حب الله
أفضل من صلاة الجماعة وانت مشغول الفكر ....
والأفضل ان ترتب أمورك حتى تلحق بركب صلاة الجماعة
وانت على اتم استعداد وتهيؤ لملاقاة الله !!
من المستحسن الدعاء أثناء السجود ،،
والمناجاة والندم على ذنوب ما قبل الصلاة
فكلما أطلت السجود والدعاء ، زيح عن كاهلك عبء الذنوب
ومن الأفضل ان يكون دعاءك " مناجاة " او " توبة "
حين تهم بالتفكير فى شىء ما او تنشغل بأمر فاني
فأسرع بالرجوع إلى طريق صلاتك
ولا تزغ عينيك عنه حتى لا تزل قدمك ..
أكثر من الصلاة على محمد " صلى الله عليه وآله وصحبه وآله وسلم "
أثناء الدعاء او السجود ..
فقسما بالله لو عرفت مقدارها لما فارقت لسانك ...
تحياتي للجميع
لا تنسوني من الدعاء
منقوووول للفائدة