جمع الهدوم المستعمله

من طرف shmas_elasel 2007-10-01, 1:00 am

السلام عليكم ورحمه الله وبركاته
انا عندى مشروع جديد زعايزه مشاركتكم كلكم وربنا يجعلنا نفعه للاسلام والمسلمين
الموضوع هو ان كل واحد مننا عنده هدوم مش مهم جديده اوى اوقديمه المهم تكون مستعمله استعمال نضيف
طبعا الموضوع ده نحاول ننشره بين زملائنا فى الكليه وبين الجيران
وبعدين نحاول نتصل (بدار رساله )وهى عليها الباقى وهى هتقوم بالواجب المهم نحاول نجمع الهدوم بسرعه علشان مفيش وقت كتيرعلى رمضان لما يخلص عايزين نلحق نفسينا ونعمل حاجه كويسه فى الشهر الكريم علشان المعرض اللى حتعمله الدار هيكون يوم 29رمضان يعنى يادوب اللى عنده هدوم يحاول بسرعه يتصل علشان الهدوم تلحق تتغسل وتنكوى وتتكيس علشان الهدوم دى لاى حد محتاجها من غير مقابل
المقابل هو دخول الفرحه قلوبهم وابتسامتهم
هستنى ردكم
جزاكم الله كل خير

من طرف **hypertension** 2007-10-01, 11:59 am

وما تنفقوا من شئ يوف إليكم وأنتم لا تظلمون

ما شاء الله فكرة جميلة

بس احنا ممكن نوصلها لمين وفين

ويا ريت حضرتك تكلمنى

لأن فى فرع رسالة سيتم افتتاحه قريبا ان شاء الله فى كوم حمادة

https://servimg.com/view/11599463/1http://www.wardaa.com/uploads/f3268b27e9.jpg

من طرف shmas_elasel 2007-10-01, 8:06 pm

جزاك الله كل خير ورقم التليفون بتاعهم هو 19450 اتصلوا بيهم وهم ان شاء الله هيجوا لحد عندكم وربنا يجزينا واياكم انشاء الله ويجعله فى ميزان حسناتنا

من طرف **hypertension** 2007-10-02, 1:24 am

جزاك الله خيرا

لو حبيت تتعاون معانا

فى الفرع بتاع كوم حمادة

ابقى كلمنى على الايميل

من طرف dewer2004 2007-10-10, 4:08 am

السلام عليكم
والله فكره جميله فعلا
واحنا محتاجيا افكار زى دى بجد
بس ليه ماتتعملش فى كوم حماده
دى كانت رؤيتنا من زمان ....................زليه الخير اللى احنا ممكن نعمله مانعملوش فى بلدنا
ايه العقبات اللى ممكن توقفنا
ده اللى احنا دورنا عليه والحمد لله الى حد كبير قدرنا نسهله بتيسير ربنا لينا
وان شاء الله بنحاول نعمل مشروع رساله متكامل فى كوم حماده
افكارنا لازم نحولها لواقع ملموس ع الارض
لازم نغير بلدنا بافكارنا واحلامنا
اللى عايز يشارك فى الحلم يا ريت يتواصل معانا
فريق العمل لرساله كوم حماده
اللى عايز يشترك معانا ممكن يكلم الدكتور hypertention

من طرف my_islamic.life 2007-12-10, 11:47 pm

السلام عليكم ورحمة الله وبركاته

انا فعلا فكرت كتــــــــــــــــــيــــــر في الموضوع ده وعرضته علي زملائي واصحابي بس في الي استجاب وفعلا جمعت عندي كميه هدوم وفيه الي عجبته الفكره بس لم ينفذ
وبعد كده وزعت انا الهدوم لكن كان نفسي نكون مجموعه مع بعض زي رســــالـــــة لان احنا في كوم حماده عندنا طاقه كبيره لكن للاسف مش بنعرف نستخدمها كويس وانا لغاية دلوقت بحلم بالفكره دي وان شاء الله تتحقـق علي ارض كوم حماده لانها بلد تستحق خير ولدها عليها

احنا لازم نشتغل وما نستناش نتيجة المهم ان احنا نعمل الي عليــنــا والباقي علي ربنا

انا مستعده اشارك في المشروع ده انشاء الله واقــــــول معذرة الي ربـــــــي

....... ...... وجزاكم الله الـــــــف خيـــــر.......
.....................(اللهم استعملنا ولا تــســــتــبــد لــــنـــا)..................

من طرف **hypertension** 2007-12-12, 3:38 pm

أولا أهلا بيك my islamic life

عضو جديد معانا

وان شاء الله تكون أخذت الثواب

بنيتك

احنا دلوقتى بنجمع تبرعات قبل العيد

عشان نوصلها لناس محتاجاها

فى صورة شنطة زى شنطة رمضان

لو ممكن تساعدنا

سواء تبرع أو تحضر الشنط

أو توزعها معانا

ربنا يجزيك خير

ودة تليفونى

من طرف my_islamic.life 2007-12-23, 1:21 am

السلام عليكم ورحمة الله وبركاته

جزاك الله خيرااا علي التليفوون ولكن حاليا العيد عدي في اي حاجه تانيه اقدر اشارك فيها
ولكن اسألكم الدعاء لي بالتركيز في المذاكره وبعد الامتحانات نتقابل ان شاء الله
وجزاكم الله خيراا

من طرف **hypertension** 2007-12-24, 12:05 am

ربنا يكرمك على الروح الجميلة دى

وربنا يكرمك ويوفقك للخير دايما

احنا ان شاء الله هناخد المقر فى بداية شهر يناير

بس مش هنبدأ شغل غير لما الامتحانات تخلص

لأن احنا كلنا طلبة

وان شاء الله نعمل فى البداية اجتماع للمتطوعين

وان شاء الله نبقى نبلغكوا بيه

ودة ايميلى لو حبيت تكلمنى

تعرف تفاصيل أكتر

من طرف **khaifalek** 2007-12-24, 12:44 am

السلام عليكم ورحمة الله وبركاته
اخى الفاضل هايبرتنشن
نأسف لحذف رقم هاتفك وايميلك من المساهمتين السابقتين
لكن
انت تعلم ان ممنوع اشهار مثل تلك البيانات
ولكن ان شاء الله انت تعلم انه سيتم التنسيق الجاد لهذا العمل لاحقا فى الوقت الذى تحدده انت
لكن عن طريق ادارة المنتدى
جزاك الله خيرا