سينما الرطلين تقدم.........أقوى أفلام الرعب

سينما كبيرة عظيمة جميلة


رطلين برودكشن والفنان للتوزيع والأخراج السينمائى والتأليف .........
تقدم

أقوى أفلام الرعب للمخرج العبقرى المهيب الركن الفنان
سونة فى الظلام...............

حد قال يتفرج
حد قال هات تذكرة
حد قال فشار لب سودانى حاجة سقعة ببس
كله يقعد على الكراسى ياورد له أحلى التماسى......
حنبتدى
أفرد ياولا الملاية البيضا وحط الشريط وشغل المنفلة
....................

تابعونا.............








المشهد الأول
ليلى مهبب بستين نيلة

تررررررررررررررررررررررررن
تررررررررررررررررررررررررن
تررررررررررررررررررررررررن
جرس بيدق........طبعاً امال حد بيدق كفتة.........ماهو فيه خلاص كبة بيطحنوا فيها اللحمة علشان الكفتة......
أجراس الطوارئ فى القصر الرئاسى تدق بعنف ليزعر كل من فى القصر ويهب من نومه .............. مخضوض
الحالة الصحية للرئيس فى تدهور مستمر فتوقع الجميع أنها أزمة جديدة يقع فى براثنها الزعيم
وصدقت التوقعات
جرى كبير أطباء القصر الرئاسى مزعوراً......
برضه
وقف أبن الزعيم بملامحه البلهاء اللى لا تنبئ عن أى شئ وسط حاشيته يجفف عرق ودموع مفتعلة....
B) خير يادكتور
أحنا عملنا اللى علينا والباقى على ربنا........أحنا ضحينا بالأم والجنين وطاقم التمريض علشان الحديد يولع
B) دكتور.......... الجملة دى من فيلم تانى
ركز لو سمحت فى السيناريو....
أه صحيح......الحمد لله ياباشا
الزعيم حالته مستقرة بعد ما سيطرنا على الأزمة وأديناله حقنة مهدئة ح تنيمو شوية
ظهرت معالم خيبة الأمل على وجه جميز....أبن الزعيم ياجماعة محدش يقولى جميز مين.....
B)هووووووووووووف وبعدين يادكتور أيه أخرتها يعنى.........
جميييييييييييييييز
عيب ياولد...........بابا لسة فيه الرمق
طبعاً دى الست حرم الزعيم قاعدة على الكرسى زى الداية الحولة........محدش لو سمحت يسأل يعنى أيه داية حولة
أتفرجوا وأنتم ساكتين.....
B) حاضر ياماما.........

أستراحة ونعود

سجاير لب حاجة ساقعة ببس


المشهد الثانى

برضه ليلى مهبب بس من غير ستين نيلة


جسد الزعيم ملقى على سرير الحالات الحرجة وقد ملئه بشحمه ولحمه وجثته الهائلة التى انتفخت بدماء الغلابة من شعبه

همهمات متقطعة فى حجرة العناية المركزة تخفيها أصوات أجهزة المتابعة الطبية وقد أمسكت السلوك فى جسد الزعيم لتدخل وتخرج منه بالأضافة لأنابيب المحاليل المختلفة
مساكين هؤلاء الأطباء
بين جنة جميز الأبن المنتظر بتعجل للوفاة وبين نار وزة هانم زوجة الزعيم التى تحرس على العناية الطبية الفائقة بزوجها
مسااااااااااااااااااااااااااااكين
أيه الهمس اللى أنا سامعه ده
تلاقيه أبن الأفاعى بيستعجل موتى علشان ياخد الكرسى
لكن على مين أنا مركبله عجل ومش ح يعرف يلحقنى وياخده............
ماهى الحرباية وزة عشمته بالكرسى نجد له شلتة حضرته............آلهى يجحمهم مطرح ماهم قاعدين..............
أنا مش حابب الضلمة دى........فين النور
فين زرار الجرس
سونة............سونة
مين بينده..........وبينده بأسمى حاف........طيب لما أقوم ودينى لأوديك تصيف ورا درب التلبانة.........
سونة عيب.........ده انا شيطو.......عارفنى
أه طبعاً متنيل اعرفك ياواااااااد ....أوعى تكون جاى تغوينى قبل ماأموت...........
ده انا أغوى قبيلتك يابعيد.......
هئ هئ هئ هئ
عايز أيه يامعفن
جايلك فى استشارة يازعيم
عايز أيه يادايخ
أصلى أنا أترقيت بعد ماسيبتك ومسكت ودان زعيم مبتدئ وعايز منك كام نصيحة أوسوس بيهم ليه............
هو انتم بتترقوا زينا
أه طبعاً...........بقيت بوسى
طيب عايز ايه ياسى بوسى
ماقلتلك عايز استشارة
أسال وانا اجاوب...بس هو مين الزعيم المبتدئ ده
الأخضرانى اللى فى البلد اللى جنبكم
لالالالالالالالالالالالالا اللى فى البلد اللى جنبا
لا وألف لا.............مافيش زعيم غيرى فى المنطقة
ياعم حاسب على نفسك........ده انت صاحب مرض..........ولا يهمك لا زعيم إلا سونة
أنت ح تاخدنى على قد عقلى........لا ودينى أولع فيه وفى بلده...........
ياعم بس انت تقدر تقوم من على سريرك........ماقولنا ولا يهمك لا زعيم إلا سونة
بس دول أشبال زعماء بيلعبوا تحت السن
أه لو كان كدة يبقى معلش.............عايز أيه هو بقى


فاصل أعلانى قصير .............. سنعود استنونا

مكتب الزعيم للأستشارت الزعامية
نصائح جاهزة........... ملخصات س و ج
تقدر تجاوب بيه فى أى مشكلة صعبة
ينصح به كل زعيم شبل يلعب تحت السن
ولكل زعيم بلغ من العمر أرزله ولسة قاعد على نفس شعبه
مكتب الزعيم ............
كبت حريات....
معتقلات ....
تكميم أفواه ........
استبداد...


يتبع.......


المشهد الثالث

ليلى مظلم بس منور ببصيص سجائر الممثلين
شوية تمويه يعنى

أيه ياجميز باشا
الراجل الكبير مش ناوى يتوكل ولا أيه
العملية سخنت والراجل مبلط فيها............ ده داخل على الـ 90

B) مش عارف يازيزو والله الراجل ده مش ناوى إلا لما أطلع معاش ............ أنا زهقت ........
طيب مافيش حل
B) سيبنى أفكر شوية يمكن يجيلى الوحى
طيب براحتك يازعاااااااااااااااامة
B) يسمع من بقك رينا.............

يدخل جميز لمنزله العامر بفلوس السحت والأحتكار وتقف خوخة فى أستقباله وقد ظهر بعض الشعر الأبيض فى مقدمة رأسها

أنت جيت يا جميييييييييييييييييز ياحبيبى ها أيه الأخبار

B) أيوة ياخوخة............. لسة برضه

أنت بتهرج........... بقى تاخدنى لحم وتقولى كلها سنة ولا اتنين وأبقى الزعيمة.........أنت خدعتنى ياجميز...........
B) ياحبيبتى أنا ح أتدخل فى قضا ربنا
ماليش دعوة أنت قلت لى أنا ح أبقى زعيمة والست وزة قاعدة على قلبنا
B) ياحبيبتى دى ماما برضه
لا تقولى ماما ولا بابا أنت خدعتنى ياجميز.........
يدخل جميز حجرته وهو ينفخ بشدة
وتظلم الشاشة بقفا سعادته............


فاصل أعلانى
مكتب استشارات نهب الوطن..........أحدث وسائل التخلص من زعيمك القديم.........TWREETH
أحدث وسائل النط فوق الكرسى فى سرعة شديدة
استشارات أخرى فى وسائل الأحتكار وبيع كل مايمكن بيعه...........


المشهد الرابع
غرفة العناية المركزة وقد أضيئت بنور أحمر وجلس شيطو سابقاً بوسى حالياً على رأس الزعيم يتبادل معه أطراف الحديث

عايز أيه بقى ............ شورنى وأنا أقولك




بس ياعمونا........... الراجل صحى الصبح بدرى لقى البلد فاضية مسك الحكم


على ما الناس صحيت وفوقت كان لم بتوع الحكم على بتوع المعاضة


عاطل على باطل.............كله فى المعتقلات


شوية والطلبة عملت مظاهرة..............معتقلات


عمال عملوا أضراب.................معتقلات


صحافة أقفل بيوت أخرب طلبة ضيع مستقبلهم كله كله معتقلات


حبة حبة البلد فضيت عليه وما بقاش عارف يحكم مين...........يعمل أيه ده يازعيم




أممممممم مش بقولك مش اى حد يعمل زعيم



أهو اللى عمله ده شغل العالم الغشيمة




مش بقولك يازعامة ده لسة ورور أشبال يعنى.......




لا يابوسى ........ ده مافيش موهبة خالص ......... ده آخره شيخ حارة




طيب يحل الموضوع ده أزاى




أها...............بسييييييييييييييطة


ح أقولك.............



فاصل أعلانى
حبيبكو للتنظيف..........المسئول الأول لنظافة الحكم..........معتقلات ..... سجون ........تلفيق قضايا
أطلبونا دائماً........... نحن فى خدمة كل زعيم وأى زعيم



يتبع
حسب
الحالة
المزاجية