قام المزيع واقف على حيلو كدا

--------------------------------------------------------------------------------

المهم حطيت صنية الشاى ع الطربيزة الصغيرة و سندتها بطوبة احسن تقع و توقع كبايتين الشاى من الهوا

هوا جامد اوى و ساقع اوى خلانى رحت فاكك الكوفية و لاففها تانى .. بس المرة دى خلتها تغطى مناخيرى عشان كانت ساقعة اوى



منظر البحر كان روعة و الموجة كانت قاعدة تضرب بعضها زى ما تكون بتتخانق ..

زى ما تكون حاسة بغضب و خنقة رهيبة زى اللى كنا حاسينها انا و عم صابر جارنا اللى بقعد اشرب معاه الشاى الصبح ع البحر قبل ما اروح شغلى فى كامب شيزار

عم صابر راجل كبير فى السن ..

لف بلاد كتير و يعرف لغات كتير ..
و بيحب الشاى و الجرايد و الراديو الصغير بتاع الجيب دا




خت شفطة شاى و وراها نفس هوا كبير بيعبر عن مدى اعجابى بشفطة شاى سخنة نزلت تجرى جوا احشائى فى محاولة للتدفئة ..



- متشغلنا الراديو دا يا عم صابر و شوفلنا كدا اى محطة روشة كدا .. تركيا كدا ولا حاجة

- يا واد احترم نفسك يا والا .. ع الصبح كدا

- طب شغله بس خلينا نسمع ايه اللى بيجرا فى الدونيا


!#^&*ًُ*)__--()*%###!ًَُّّّّ#ٌٍٍٍٍُُُُ!!!!**)(


- ايه دا يا عم صابر .. محطة ايه دى .. اللغة دى مش غريبة عليا .. زى ما اكون سمعتها قبل كدا ف فيلم الطريق الى ايلات

- دى محطة اسرائيل

- اممممم .. و بيقول ايه الراجل المزيع دا يا عم صابر .. انت تعرف عبرى صحيح ؟

- أعرف عبرى .. إلا اعرف عبرى .. انا كنت سلاح قوى جدا ايام 73 بسبب معرفتى للعبرى


- سيدى يا سيدى ع التاريخ .. طب بيقول ايه الراجل المزيع دا يا عم صابر

- الراجل بيوجه رسالة للحكام العرب .. تخيل

- ياااه ايه المزيع دا .. دا باين عليه جدع اوى .. دى محطة ايه دى .. باين عليهم ناس طيبين أوى .. بس عايز يقولهم ايه دا

- بيقولهم " نشكركم لحسن تعاونكم معنا "

...

..





----

يمكن يكون فيه "يتبع"


و يمكن لأ

حسب الحالة النفسية و المعنوية