مراجعة لغة عربية للكبار فقط ..!!

... يسعدني أن أقدم لأولادنا الطلاب مراجعة شاملة في اللغة العربية ستشمل الحروف الأبجدية وقواعد النحو والصرف ...

أولاً مراجعة الحروف الأبجدية :
سيتم وضع كل حرف في كلمة لمعرفة الحرف وتوضيحه :
أ- أنتخابات مزوره – أسد علينا بس
- ب بلطجه – بزنس
- ت تزوير – توريث –ترزي قوانين
- ث ثورة فشنك – ثور حلبوه
- ج جوع – جبلّة –جربوع
- ح حرام – حرامي
- خ خيبة ثقيلة – خصخصة –
- د دم مسرطن – دلدول – دموع الغلابة
- ذ ذل – ذئب
- ر رقاص – رمّة - رحمتك يا رب
- ز زوار الفجر- زير – زبانية
- س سمسرة – سبوبة
- ش شياطين الإنس – شخبط شخابيط
- ص صرخة مظلوم – صبر أيوب – صرف المعلوم
- ض ضرب علي القفا – ضمير معدوم
- ط طابورعيش – طرطور – طز
- ظ ظلم – ظلام
- ع عيش – عطش- عسكر
- غ غباء – غيبوبة - غلّ
- ف فساد – فقر
- ق قصور في مارينا وشرم – قراقوش
- ك كلاب حراسة – كُلي فاشلة
- ل ليل وطال قوي- لازقة
- م موافقة – مليارات متهربه
- ن نصب – نوم في العسل
- ه هوان – هوهو
- و ولاء لواشنطن – واوة هيفاء
- ي يا دهوتيييييييييييي – يا ولاد الكلب

ثانياً قواعد النحو والصرف :
ينهب ( فعل ) ..... كبار المسؤلين (فاعل ) .... شعب مصر ( مفعول به ).......
ليل نهار ( ظرف مكان ) .... من الإسكندرية لأسوان ( ظرف مكان ) ......
مع ضرب وسحل أي معارض ( فعل أمر ) ..... وعلشان تمشي أمورك فتح مخك ( أداة شرط ) .....
والوطن والعروبة والإنتماء ( ضمير غائب ) .... وإنضم للحزب علشان أمورك تمشي (أداة نصب ) .....
تقول عايز حقي ..تأخذ علي دماغك ( جمع تكسير ) ..... الكرامة ( فعل ماضي ) .... مش عارفين له شكل ( يفيد المستقبل ) ......أموال البلد في حساباتهم في البنوك ( علامة ضم) ... جر البلد للخلف در
( علامة جر ) .... ما فيش فايدة ( أداة جزم ) .... الجنيه المصري ( ممنوع من الصرف ) .... الإنكسار ( فعل مضارع) .... التزوير ( فعل مستمر ) ...... الحزب الوطني ( مضاف ) نواب التجنيد وسميحة والقروض والعبارة والدم والتأشيرات ( مضاف إليه ) ..... الأمن والأمان (مبني للمجهول ) ..... البطش والإعتقال (مبني للمعلوم ) ..... مليادرات البلد ( أخوات إن ) .... شرفاء الوطن ( أخوات كان ) ..... إرضي بنصيبك وما تفتحش بقك ( علامة سكون) ..... قاوم وسمعنا صوتك (عليها شدة) ....
تقول حرام ( مبتدأ ) ..... تقول كفاية تبقي ( خبر ) .... تعيش والسلام في ذل وقهر ( جمع تأنيث ) ..... تغضب وتعترض وتثور ( جمع مذكر سالم ).... تشيل كفنك علي إيدك وتقول يا بلدي ... تبقي ( مرفوع ) ... الفساد والفقر ( حال ) ....
محدوي الدخل الشغل الشاغل للنظام ( علامة تعجب !!) ... رئيس مصر القادم ( علامة إستفهام ؟؟) ....
الشعب جاتله ( نقطة ) .... الله حي الولد جاي ( من أول السطر ) ....

ههههههههه ههههههههه ههههههههه

والله فعلاً ممتاز.... أنا مكنتش متصور أن تراكيب الكلام هتبقا بالروعه دي


جزااااك الله خيراً

السلام عليكم ورحمة الله وبركاته



للأسف ان الكلاااااااااااااااااااام دا ضحكنيييييييييي وهيضحك أى حد يقرااااااااااااه



مع ان للأسف ان دا حالنا المررررر ومفيهووووووووش ضحك خااااالص


بس هنعمل ايييييييييييييه بقااا فشتنا عااااااايمه على الأخر



بس بجد موضووووووووووووووع رااااااااائع


جزاك الله خيرا



وحسبنا الله ونعم الوكيل(مش فيك طبعا )

ههههههههههههههههههههههههههه (ضربة شمس) ههههههههههههههههههههههه

آه والله فشتنا عيما على الآخر وأنا لو أعت في القسم دا أكثر من كدا هموت من كتر الضحك


وقبل ما أمووووووت قلبي هيموووووت لأن " كثرة الضحك تميت القلب" كما قال رسول الله (ص)

****توضيح****

"كثرة الضحك تميت القلب " معناها إن القلب يجرد من المشاعر والأحاسيس من كثرة الضحك ولا يحمل

هم أي شيء يعني بالبلدي (يبأ بلط )


ربنا يرزقنا وأياكم الخشيه والحياء