ليلة القبض على الفانلة 22

ليلة القبض على الفانلة 22






فى اجتماع عاجل عقده كبار الضباط بجهاز أمن الدوله لمناقشة الأجراءات الواجب اتخاذها مع لاعب المنتخب ونجم مصر الأول .. ابو تريكة .. دار هذا الحوار
الضابط الكبير : - ايه آخر الأخبار بخصوص ابو تريكة
المقدم ع : - وصلتنا اخبار تفيد بأن ابو تريكة ينتمى لحركة حماس وبأنه تدرب على حمل السلاح
بجبال تورا بورا على يد اسامة بن لادن وبأنه تعلم لعب الكره فى ساحة الشهداء بغزة

الضابط الكبير :- بس الكلام ده لا يصدقه عقل حاول تخفف الفبركه وبلاش حماس وبن لادن علشان كل اللى يعرفوا ابو تريكة يعلموا بأنه لم يسافر خارج مصر الا مع المنتخب


المقدم ص :- خلاص يا فندم طلاما ابو تريكة كان لابس فانلة للتضامن مع غزة وكمان بيحافظ على الصلاة يبقى نقول إخوان مسلمين .. ابو تريكة إخوان مسلمين
وطبعاً كده ممكن نأمر بأعتقاله بتهمة الأنضمام لجماعة محظورة

الضابط الكبير : - يا بشوات يا محترمين من المستحيل اعتقال ابو تريكة علشان لو اعتقلناه الدنيا حتقوم ومش حتقعد والناس حتطلع وتعمل مشاكل ما انتوا عارفين ان الكورة هى الشىء الوحيد اللى فاضل للناس وابو تريكة هو الهداف وهو الى بيجيب الفوز ولو مسكناه الناس حتقول علينا اننا متواطئين مع غانا وعايزين مصر تخسر البطولة الأفريقية
المهم يا جماعة مش اعتقال ابو تريكة والخطر مش فى ابو تريكه الخطر فى الفانلات اللى بيلبسها ابو تريكه

العقيد ف :- عندك حق يا فندم المشكلة فى الفانلات التى يرتديها ابو تريكة ففى المرة اللى فاتت لبس فانلة ...نحن فداك يا رسول الله ... ومش بس كدة ده لبس المنتخب كله نفس الفانله , والمره دى لبس فانلة .. تضامن مع غزة.. وياعالم المره اللى جايه حيلبس فانلة مكتوب عليها ايه



الضابط الكبير : - وهنا مكمن الخطر .. انتوا عارفين لو واحد زى ابو تريكه ده لبس فانله مكتوب عليها
... تضامن مع عمال غزل المحلة
.. او نعم لأيمن نور
.. او لا للفساد فى مصر
.. ايه اللى ممكن يحصل .. ممكن البلد تتقلب وممكن نتشال كلنا لأننا لم نتمكن من منع ابو تريكة من لبس هذه الفانله
المقدم ص :- والعمل ايه لازم نتحرك قبل ما نفاجأ بأبو تريكة وهو بيرفع الفانلة فى الماتش اللى جاى ليظهر للناس الفانلة اللى تحت وياعالم حيكون كاتب ايه عليها ربنا يستر
المقد م ع :- انا عندى مقترح ممكن يحل مشكلة فانلة ابو تريكة
الضابط الكبير :- قول بسرعة ابوس راس ابوك


المقدم ع :- الفكرة بأختصار اننا نشترى لاعب من كل منتخب من المنتخبات اللى حتلاعب مصر من النهارده حتى مباراة النهائى وممكن ندفع لهذا اللاعب اللى هو عايزه مقابل أن يقوم بكسر ابو تريكة فى بداية المباراة , وبكده يخرج ابو تريكة فى الدقائق الأولى ولا يستطيع احراز اهداف جديدة وكمان مش حيلاقى فرصة ليرفع الفانلة
الضابط الكبير :- فكرة جيدة بس فيها صعوبة ومخاطرة والخوف أن اللاعب اللى حنشترية بالفلوس يندل ولا يخاف وميكسرش ابو تريكة
العقيد ف :- انا عندى فكرة بس حتحتاج جهد كبير .. ممكن نبعت فريق تحريات لمراقبة مصانع و اماكن طباعة الفانلات بغانا وبكده حنعرف ابو تريكة ناوى يلبس فانلة مكتوب عليها ايه وفى اللحظة المناسبة نقبض على الفانلة ونمنع الكارثة
الضابط الكبير :- فكره رائعة .. وقبل أن يكمل حديثه يرن تليفونة المحمول فيرد على التليفون ويتغير وجه ويعرق وينهى المكالمة وهو يقول عُلم يا فندم عُلم يا فندم
ويسألة المقدم ع :- خير يا فندم فيقول :- فية اخبار مؤكدة بتقول إن ابو تريكه حيلبس فانلة فى المباراة القادمة مكتوب عليها .. لا للتوريث ...
المقدم ص :- ياوقعه طين
العقيد ف : - ده يوم مش حتطلعله شمس ديه مصيبه وحلت علينا
المقدم ع : - طيب انا ممكن اقدم استقالتى واسوى معاشى من دلوقتى احسنلى
الضابط الكبير : - احنا لازم نتحرك بسرعة وذى ما اتفقنا ..مطلوب القبض على فانلة ابو تريكة بأى وسيلة
انا عايزكم تحضروا الأمن المركزى وتنزلوا الجرايه فى الشوارع وكمان اى فانله تشتبهوا فيها تقلعوها لصاحبها وهوه واقف عايز عنيكم تبقى فوق راسكم مش لازم ابو تريكه يرفع الفانله تانى مفهوم
مطلوب القبض على الفانلة 22
وانتهى الأجتماع ..


وجارى البحث عن الفانلة 22

بارك الله فيكِ اخية
للاسف ما يحدث في غزة بموافقه ومباركة خونة العرب
عليهم من الله ما يستحقوه

اللهم يا سامع السر والنجوى يا كاشف الضر والبلوى اللهم يا سامع السر والخفيه يا من حوائجنا عنده مقضيه
اللهم يا مسبب الاسباب يا قاهر الاعداء يا هازم الاحزاب يا منزل الشتاء يا مخرج الاموات يا هاذم الذات
يا كاشف الكرب يا سميع يا عليم يا بانيه السماء بغير عمد ما مسير الارض بغير عون اللهم انصر اهل فلسطين على من عاداهم اللهم صوب رميهم اللهم ثبت الارض تحت اقدامهم اللهم اجعل نار اعدائهم برد وسلام على المسلمين
اللهم اجعل نار المسلمين تحرق الاعداء اللهم احرس المسجد الاقصى من مكر الماكرين اللهم اقتل من قتل المسلمين
اللهم انصر شعب فلسطين على اعدائك اعدائهم اليهود اللهم اجعل لاهل فلسطين النصره والعزه والغلبه والقوه والهيبه في قلوب اعدائهم اللهم اشفي جرحاهم واطلق اسر اسراهم اللهم انصر مجاهديهم في سبيلك في برك وبحركوجوي يا رب العالمين امين امين امين

السلام عليكم ورحمة الله وبركاته


ههههههههههههههههههههههههههه


بجد موضوع جامد جدا كمان ( جماله ) انه بيتكلم عن التورييييييث



جمال الموضوع طبعا

الحقيقة ان أجهزة الأمن توصلوا

للتصنيف الأمنى الأخير لأبو تريكة

وهو انه ينتمى للاخوان المسلمين

وكمان تنظيم القاعدة فهو قاعدى حامضى متعادل

بسم الله الرحمن الرحيم
البركة فنان اى محمد ابو تركة النجم الاول والاخير فى مصر وانشاء ا لله اجرة على الله