حوار بين علمانى واخوانى

الإسلام هو الحل......أسلام أيه يا عم أنت أيه دخل الدين بالسياسة هو أنتم ورانا ورانا ...لألأ لأ سيبك أنت بس من الهمجية دى وتعالى نتناقش بموضوعية....وهو أنتم أشكالكم الظلامية السيطوبينيقية دى تعرف الموضوعية....بغض النظر عن السيطونوبيقية لأن أنتم معظمكم أساسا بيتكلمم هيروغليفى ومحادش من العامة بيسمعهم للسبب دا أن أنتم عندكم عقدة نقص فبتحاولوا تعوضوا العقدة دى بكلما مش مفهومة عشان تبانم أنكم الصفوة والنخبة فى البلد هتجاوز دا وقولك تعالى نتناقش بموضوعية.....ماشى يا سيدى قول اللى عندك....قبل ما أقول اللى عندك أعرف الأول أيه أرضيتك يعنى أنت مسلم وشايف فعلا أن لا دخل للدين بالسياسة ولا منافق بتاخد الدين ستار عشان تنخر فى قعر المجتمع ولا يسارى وشايف أن دا حاجة صح والأمة مش هتقوم إلا بأمثالكم...لأ يا سيدى أنا مصرى....طب لما حضرتك مصرى بتطلعوا ليه على الشاشة كل شوية وتقولوا ما كلنا مسلمين وكلنا بنصل وبنصوم وبنقوم .....عندك أنا مسلم غصب....ولما أنت مسلم بتلف وتدور ليه مكسوف تقولها ولا أنت من النوع التالت...قصدك أيه أنى منافق....ها ها هااا لا يا سيدى دا النوع التانى عموما اللى على راسه بطحة يحسس عليها....هتجاوز دا كله ماشى أنا مسلم وشايف أن العلمانية هى أنسب وسيلة لحكم أى بلد....طب قولى كدا ما هو تعريف العلمانية....أه طب روح بقى أدرس مصطلحات وبعدين تعالى كلمنى....يا سيدى خدنى على قد عقلى....ماشى العلمانية نوعان كبرى وصغرى...الكبرى هى فصل الدين تماما عن كل ما يتعلق بالحياة الدنيوية واليومية للفرد وأن الدين علاقة بين الفرض وربه فقط ...طب والصغرى....الصغرى بدون الدخول فى تفاصيل مبتقيدش الدين أوى كدا ....طب أنت مع أى نوع....مع الكبرى....طب دا أنت القرآن عندك نصفه أحكام دنيوية وأحاديث الرسول معظمها أحكام دنيوية وسيرة الخلفاء الراشدين اللى الرسول أمر باتباعهم يعنى عايز أقولك من الآخر لو مش عاجبك دا كله متسيب الأسلام وأخلص .....أنت كمان هتكفرنى..... أكفرك ونص الأعلام ياما صور اللى بيكفرم دول ناس هبل ومتشددين ومتعنفين ومتعفنين أنا بكلمك بالمنطق وبدون أى تشنجات بكلمك بالقرآن "أتأخذون ببعض الكتاب وتكفرون ببعض....." قال وتكفرون مش ولا تؤمنون يعنى أنت بنص القرآن ياللى مبتعملش بأحكامه كلها كافر "مافرطنا فى الكتاب من شىء" وأنت بتقوله لا يا رب فرطت وسيبنا بقى نعمل فى الدنيا اللى أحنا عاوزينه أقولك أيه أكتر من كدا ......طب وأنهى أسلام اللى هتحكم بيه إسلام إيران ولا الأخوان ولا طالبان ولا بتنجان.....الإسلام هو الإسلام عبارة عن إطار مرن حوالى 30% فى الإسلام دا ثوابت لا يمكن تغييرها والباقى متروك للإجتهاد للتلائم مع كل عصر ومكان أنتم مشكلتكم أنكم عايزيين تنزعوا الإطار دا من جلد الأمة تماما.....أديك قولت أهه 30% والباقى متروك لينا يبقى لا دخل للدين فى السياسة ولا لأ.....لأ متروك لينا تحت الإطار اللى قولتلك عليه كمل الكلام للآخر.....مش فاهم قصدك أيه هو الباقى دا يعنى عبارة عن أيه أيه دخل الإسلام فى كوبرى هنبنيه ولا بلاعة هنقفلها ولا ولا ولا.....هففف بص يا سيدى الأمثال اللى أنت قولتها دى كلها تيجى تحت بند الأولويات أيه أولى من أيه يتعمل ومش دا المقصود بالسياسة أساسا مش عارف أيه المثل الغريب دا المثال اللى ممكن تقوله مثلا علاقتنا مع إسرائيل أنا أستشهدلك أن دى أرض مقدسة محتلة ولازم نحررها تقوم تقولى لا دخل للدين بالسياسة الحديث الصحيح اللى روته نوال السعداوى قائدتكم المرموقة وتقولى لأ مش هنحارب لأن مصلحة البلد كذا وكذا والأقتصاد هيتدمر والشعب هيكون مش عارف أسه فببساطة شديدة هترفض لأن مفيش ثوابت تحكمك....لأ يا سيدى فلسطين أرض كلنا بندافع عنها بس من منطلق أنها أرض عربية والقومية تحتم عليا ذلك.....عملت أيه القومية دى والنبى كدا قولى بقالها 60 سنة وكل سنة بنزداد بعد وتخلف بسبب القومية دى أدخل كدا على المنتديات وشوف كمية الشتايم اللى بيتبادلها المصريين مع الخليجيين والعراقيين مع السوريين ودول مع دول انما جرب كدا وأغرز الإسلام فى دول ثانية كله هيتوحد تحت راية مقدسة والمنتديات هتنضف..... وهنتوحد ونخاف على بعض.....والله فى دى عندك حق بس...مفيش بس أستنا انت لما أشوف المشرف هيقبل التعليق دا ولا لأ ......وبعدين نكمل بإذن الله

جزاكى الله خيرا وفى انتظار باقى الحوار