الجامعه في زمن التاتوووووووو

اولا
انا هتكلم عن الجامعه الناهرده وايه اخر التطورات فيها هوا ايه اليوم عندي في الجامعه :-
1- بصحي بدري مش شايف حاجه قدامي
2-بتشطف والبس وانا لسه نايم طبعا
3-بروح الجامعه الاقي الدكتور ابتدي اخش اعد شويه لحد ميخلص
4- اطع اعد في اكافيتريا شويه مع صحابي ونتخانق شويه مع بعض
5-اروح البيت تاني وكاني مجتش اصلا
طبعا انا بالنسبه ليا الاستفاده صفر علي الشمال بس وانا هناك بشوف كذا حاجه بتشدني قوي ,بشوف الولاد اللي نفسهم يكلمو البنات وفعلا بيكليموهم والولاد اللي نفسهم يكلمو البنات ومش عارفين يكلموهم والبنات اللي نفسها حد يكلمها ومش لاقيه
بجد ده النظام في الجامعه قليل قوي وده اللي مش ممكن انساه ان في ناس رايحه تتعلم دلوقتي بس الاكتر رايح يتجوز مش رايح يدرس البنات تلاقيها حاطه مكياج كامل والواد تلاقيه لابس اللي علي الحبل ورايحين يتعرفو علي بعض
بس انا بجد رافضالنظام ده
وتلاقي كل واد ماشي مع بنت ولا احجه عايش في الدور وكانو مشي مع نانسي عجرم والبنت تبقي شبه اخويا الكبير
بس انا نفسي ترودو عليا وتقولولي انتو نفسكو الجامعه تبقي عمله ازاي ؟؟؟؟؟؟؟؟؟
وليه الناس بقت تتصرف بالطريقه دي في الجامعه ؟؟؟؟؟؟؟؟؟؟؟؟؟؟؟؟
اساله كتيره وبجد محتاج ردودكو لو الموضوع عجبكو

السلام عليكم
اخى الفاضلsaber_tooth
جزاك الله خيرا على الموضوع اولا
وثانيا:رأيى من رأى الشخ وجدى فى هذا الامر
اولا هذا السن غصب عنهم لكل منهم له رغبه فى الاخر
وبعدين الاغلب فى الثانوى منفصلين وكل منهم يخمن ويتخيل الاخر ويتمنى ان يتقرب منه
الاولاد زهقوا بقى ونفسهم يغيروا كل اصحابهم اولاد
والبنات ايضا نفس الموضوع
فبالعقل كده
فى سن مثل هذا
وبالظروفه الصعبه للشباب فى الزواج
نضع البنات مع الاولاد فى اختلاط
وايضا لا توجد تربيه
طبعا لازم تطلع نتائج سيــــــــــــــــئه جدا كمان
من الاخر ده مش نظام تعليم
وانا اعترض عليه
هتبقى متخلفين يعنى لو عملنا جامعات بنات واخرى للشباب
متخلفين متخلفين
يعنى احنا متقدمين
ما احنا فعلا بلاد متخلفه هنضحك على نفسنا
ولا ملقناش حاجه نطبها فى النظام الاوربى الا جامعاتنا
ويا ريت فى كل حاجه
الله المستعان
اخى انت فتحتنى ليه مكنا ساكتين
الله المستعاااااااااااااااااااااااااااااااااااااااااااااااااااان

( أنـــــــا ) متفق معاك انوا ما ينفعش خالص كل واحد يمشي مع واحدة يبقى فاكر نفسه ماشي مع نانسي عجرم لازم واحد يفتكر نفسه ماشي مع نانسي عجرم والتاني يفتكر نفسه ماشي مع هيفاء وهبي وصاحبهم التالت يفتكر نفسه ماشي مع جينيفر لوبيز

لازم نخف الضغط على نانسي شوية


أما بقى بالنسبة لتصورنا لشكل الجامعة ( أنـــــــا ) من رأيي نلغي التعليم من أساسه وكل واحد يعلم نفسه بنفسه

السلام عليكم ورحمه الله وبركاته
والله وضوع جميل جدا ما شاء الله
وانا انا هتكلم بالنسبه للى انا بشوفه لانى مشفتش الكلام دا لكن شفت مساوئ فى الكليه معجبتنيش
المفروض انو الكليه يعنى دراسه اكاديميه يعنى نتعلم بجد لكن دا مش بيحصل يكاد يكون الجدول اكبر من جدول المدرسه كمان عاملين نص ساعه فاصل بين المحاضرات اللى مفيش اصلا فاصل بينها وبين السكاشن يعنى اكننا رايحين ننتحر ولما ننفض لمحاضره ولا اتنين من جدول المدرسه دا يبقى نحس اننا مقصرين بس الحقيقه انو البنى ادم الطبيعى لا يتحمل كل هذا فى يوم واحد ودى من المساوئ اللى انا شفتها اما عن علاقات البنات والشباب دى مش بتبقى الا لبتوع سنه اولى ولما بيطلعوا تانيه وطبعا بيكونوا شالوا او بيعيدوا ودا الطبيعى بيتعلموا ويعرفوا انو الجامعه للتعليم ةواللى مش بيتعلموا من اخطائهم مش بيبقى فى حل غير انهم ياخدوا ال 4 سنين فى 8 و10 كمان وعلى رأى المثل دا جزاء اللى ميسمعش كلام ماما
وماما بتقول انو كل انسان لازم يتعلم من اخطاءه
اشكرك على الموضوع دا شكرا جزيلا

أخى الكريم جزيت خيرا على الموضوع ده اولا
ثانيا انا بتفق مع muslema_99
انها بترجع للتربيه وبعدنا عن دينا اللى بنظم العلاقه صح
وكمان انا ساعات بلتمس العذر للشباب والبنات للظروف اللى بيعشوها ولو انه عذر بسيط
ممكن كمان يرجع لان الممنوع مرغوب اعدادى وثانوى منفصلين والاعلام بيصور مرحلة الجامعه تصوير خاطئ
ده غير الكبت اللى بيتعرض له الجنسين وما باليد حيله ماهو مافيش استطاعه للبائه علشان يتزوجوا
اما بخصوص نانسى ماهو كمان الواد بيبقى طالع فيها حاطط جيلى ولا كستر فى شعره ومفكر نفسه
توم كروز ولا مايكل دوجلاس مش البنت لوحدها الظلم حرام