عندى اقتراح

بفكر فى فكره كده يارب تعجبكوا
هى ايه الفكره دى
اننا نتفق على موضوع معين ومحدد نتكلم فيه لفتره معينه اسبوع مثلا او اى مده على حسب ما نتفق وكلنا نشارك فيه واكيد اكيد ان شاء الله كلنا هنستفاد من الموضوع ده.
ايه رأيكم؟؟؟؟؟؟؟؟
مستنى الرد

السلام عليكم ورحمة الله وبركاته
فكره رائعه
حبيت اكون اول واحد يبشرك انى موافق عليه
ونستنى راى الاعضاء
ولو حصل وكان فى عدد كويس موافق على الفكره دى هعملكمقسم جوا قسم تنميه بشريه يكون خاص بالموضوع دا
اخوكم فى الله

يا بشمهندس انت تؤمر بس احنا طبعا معاك وهنسيب اختيار اول موضوع عليك بس يكون فى ايطار التنميه البشريه وان شاء الله الكل لازم يشارك ونعمل للموضوع دعايا لكل الاعضاء باذن الله اعزك الله
وننتظر منك المزيد من المشاركات

فكره جميله جدا ,,, وكان نفسي ألاقيها في المنتديات التانيه ,,

والحمد لله لقيتها هنـــــــــــــا ,,

بس ايه رأيكمـ لو كان الموضوع في شكل دوره تتكون من عدد معين من الدروس ,, وكل درس فيه تطبيق عملي في الواقع ,, و كذلكـ في المنتدى هنـــــــــا ,,

لو كانت الفكره كده ,, يبقي أنا بقترح إنه يكون موضوع ( كيف توقظ العملاق الذي بداخلكـ ) ,,

والدوره كامله معايا ,, بس طبعا محتاجه حد يديرها ,, و أن يكون نشيط ,, بيدخل المنتدى على طول ,, جاد في إعطاء الدوره ,,,, إلخ

ولو مكنتش كده الفكره , وكانت موضوع مناقشه مثلا ,, برده دي فكره كويسه وإن شاء الله نكون معاكمـ

في النهايه بشكر الجميع ,,

والسلامـ عليكمـ ورحمة الله وبركاته ,,

فكره جميله والله موضوع الدورات دى

وانا مرحب بيها بس فعلا محتاجه واحد نشيط ومتابع

اتمنى ان يتقدم احد ويدير الموضوع

واتمنى ان يعلن عنها حتى تتضح لجميع الاعضاء

بالتاكيد الكل هيستفاد ان شاء الله

وجزى الله خيرا كل من ساهم فى هذا الموضوع من الآن الى ان يتم وينجح ان شاء الله.

مع اطيب تمنياتى بالتوفيق

السلام عليكم
انا معاكم اخوانى واخواتى
بس حد يتبرع وينظم الموضوع وان شاء الله اكون معاكم
توكل على الله اخى

السلام عليكم ورحمة الله وبركاته
طيب على ما اظن ان عندى واحد ممكن يتبرع بالقيام بالموضوع دا
طبعا يا اخت فور اسلام هتيدله الماده اللى معاكى علشان يجبلنا جزء منها كل اسبوع او كل كام يوم حسب ما نتفق
واللى انا فهمته منك يا اخت فور اسلام انه يادوب هيورينا كل كام يوم جزء منها
دا بالنسبه لدوره كتابتا
انما دوره العملى هو المتابعه معانا يعنى مين اللى نفذ الكلام ومين اللى مانفذش وكدا
ولا ايه
ارجو توضيح نظريتك ليا علشان افهمه دوره بالظبط

السلامـ عليكمـ

الدوره اللي أنا إتكلمت عليها دي واحده من الدورات الموجوده ,, وهي بصراحه دوره رهيبه وتأثيرها فعال ,,

الماده معايا ,, وممكن أبعتها للي هيدير الموضوع ده ,,

بالنسبه للتوضيح اللي طلبته هو :

الدوره اسمها ( كيف توقظ العملاق الذي بداخلكـ )

تتكون من 6 دروس ,

كل درس بيكمل الدرس اللي بعده , وفي كل درس هتتعلمـ مهاره جديده , وهتوقظ حاجه جواكـ مكنتش بتستخدمها ,,
وفي نهاية كل درس واجب عملي ,, هنمشي بيه على أرض الواقع ,, يعني كلامنا مش هيكون فقط مجرد كلمات بنقرأها ,, لأه ,, ده هيكون تطبيق عملي على أرض الواقع ,,
يعني كل واحد فينا هيستغل قدراته المدفونه في حاجات كتيره هنتعلمها من خلال الدوره ,, وبقدراتنا اللي هنميها دي هنقدر ننمي بيها المنتدى ده ,, بحيث هيكون كل الي في الدوره عندهم طاقه هتدفعهم إنهم يبتكروا حاجات جديده وينفذوا أفكار جديده في المنتدى ,,

أعتقد إن تأثيرها هيكون كبير ,, بس ياريت يكون عدد المشتركين كتير ,,

وأي إستفسار تاني أنا تحت أمركـ ..

السلام عليكمـ

بسم الله الرحمن الرحيم
انا اخوكم /عبدالرحمن النجار.
اقبل ان اكون متطوع .
ممكن توفقوا انا اتشرف بخدمتكم.

بسم الله الرحمن الرحيم
انا اخوكم /عبدالرحمن النجار.
اقبل ان اكون متطوع .
ممكن توفقوا انا اتشرف بخدمتكم.

لو سمحتوا ممكن رد على تعليقي

السلام عليكم ورحمة الله وبركاته
اخى فى الله عبد الرحمن
ان شاء الله فى خلال 3 ايام هتكون الماده عندك
احنا منتظرين من الاخت نور الجنان انها ترفعها على موقع وتدينا اللينك بتاعها او لو تبعتهالنا على ايميل المنتدى يبقى جزاها الله خيرا
ف نرجو منك اخى فى الله عبد الرحمن النجار التحلى بالصبر كما نحاول نحن وجزاك الله خيرا

السلامـ عليكمـ ,,

الدوره اللي انا اتكلمت عنها( كيف توقظ العملاق الذي بداخلكـ ) رفعتها على فور شارد و بعتها لإيميل الإداره ,, بس بعتها أوف لاين لإن الإيميل مش بيفتح من جوا ,,

وإن شاء الله تعجبكمـ ,,

تحيتي ,,

السلام عليكم ورحمة الله وبركاته
مفيش حاجه وصلت
لو سمحتى ابعتيها تانى