جمعية رسالة بكوم حمادة

من طرف **hypertension** 2007-09-14, 6:08 pm

بسم الله الرحمن الرحيم
السلام عليكم ورحمة الله وبركاته
بداية كل عام وأنتم بخير
وتقبل الله منا الصيام والقيام
ودة أول موضوع لى عالمنتدى
وهو خير وجاء للبلد ان شاء الله

@@@@@@@@@@@@@@@@@@@@@@@@@

فكرة دارت بخاطر بعض شباب الخير بكوم حمادة وهى
ان البلد مش هتستنى كدة ولازم تتغير
حقيقة الفكرة تأثرت بكونهم طلبة فى كلية طب
وكانت عبارة عن فكرة تكافل طبى
ان احنا هنلف على دكاترة البلد
ونتفق معاهم ان احنا هناخد منهم كشوفات مجانية كل أسبوع
وبالفعل قام شباب الخير بالذهلب للدكاترة تقريبا كل الدكاترة
اللى فى كوم حمادة
وفعلا تجاوب الدكاترة والحمد لله البعض قلنا
4 كشوفات فى الأسبوع
والبعض قال 5و6
واللى قال كل اللى ييجى بس بنص التمن
وكان رأيه ان عشان مش أى حد ييجى يقول انا تعبان وخلاص
وبعضهم قال هعمل عمليات بنص التمن
جميل جدا والحمد لله ربنا يفوقنا كلنا
وطبعا هنعوز متطوعين للجمعية
وما عند الله خير وأبقى
وذهب شباب الخير لجمعية رساله للعمل الخيرى
ووافقت الجمعية على عمل فرع فى كوم حمادة
بكل أنشطة الجمعية
1-التبرع بالدم
2-كفالة اليتيم
3-معرض ملابس
4-رعاية المعاقين
5-شنطة رمضان
بالاضافة لمشروعنا الأساسى التكافل الطبى
وقمنا بعمل حملة تبرع بالدم يوم الثلاثاء الماضى بمندرة مسجد الهداية
وجاء 60 متبرع الحمد لله بدون دعاية
لأن لسة اشهار الجمعية لم تنتهى اجراءاته بعد
ولكن احتمال يوم 7 رمضان ينتهى ان شاء الله
الموضوع فاضل فيه توقيع مدير أمن البحيرة
ادعوا لنا
وعالعموم الجمعية ليست تابعة لأى نشاط سياسى أو حزبى أو دينى
وأنما نريد الخير لبلدنا