لقد فعلها الزمالك

من طرف saber_tooth 2008-02-25, 12:16 am

لقد فعلها الزماللك

و الله يا اخوانا انا احترت فى الفريق ده

لقد قام الزمالك كالعاده بالعكننه على جماهيره الغلابه

و خسر بعد عرض هزيل امام نادى الاسماعيلى الذى لو كان موفقا اليوم لاذاق الزمالك مرارة سداسيه اخرى

لـــــــيــــــــــــه

حد يفهمنى ايه اللى ناقص الزمالك عشان يكسب

مدرب اجنبى عندهم ، فلوسهم خدوها ، لاعبين اكفاء " حدث ولا حرج " اقوى مهاجم فى مصر " عمرو زكى " دفاع المفروض انه كويس بوجود بشير و محمود فتح الله ، و صناع لعب على اعلى مستوى زى جمال حمزة و شيكابالا ، الراحه : الفرقه بقالها شهر و نص بتمص قصب ، على عكس الاسماعيلى اللى منه 6 لعيبه فى المنتخب 4 منهم اساسيين

ايه بقى اللى ناقص

اقولكم انا ، روح الفريق ، الزمالك بيلعب بدون روح ، تقضيه واجب ، شغل تجارى

و عبد المنصف اللى من ساعه ما رجع من غانا عامل غارة و عاوز يلعب اساسى ، اتفضل شيل يا اوسه ، و بالهنا و الشفا

ربنا يهدى الحال
و اللعيبه تخللى قلبها على الفريق
و هما هيكونو فى حال احسن من كده

لكن الفرق بين الزمالك و منافسه التقليدى الاهلى يبقى 15 بنط لصالح الاهلى و احنا لسه فى نص الدورى
امال فى الآخر هيحصل ايه ؟؟؟؟؟؟؟؟؟؟؟؟