انا والكوسة

--------------------------------------------------------------------------------

انا والكوسة
طبعا اللى قرا اسم الموضوع افتكر انى هتكلم عن الوساطة على اساس انه شىء ظالم جدا فى حياتنا وان المفروض اننا نحارب الوساطة والمحسوبية واللى هى الكوسة لكن انا اكتشفت اننا كلنا ناس كوساوية من الطراز الاول واللى مش مصدقنى يدخل معايا فى الامتحان البسيط دة والامتحان على الطريقة الامريكية يعنى اسئلة واجابات اختيارية يعنى الموضوع سهل جرب مش هتخسر حاجة

السؤال الاول
روحت تشترى عيش من الفرن ولقيت طابور العيش اطول من عمر الزمان وانت فى الموقف العصيب دة شفت جارك وحبيبك بيشوار لك فى السر وبيقول لك هجيب لك عيش معايا
1 – اعمل نفسى مش شايفه واقف بشرف ازاحم واناضل من اجل عشر ترغفة
2- اتسحب فى الخباثة واخد اللى فيه النصيب ولا من شاف ولا من درى

السؤال الثانى
ربنا كرمك واشتريت عربية فيات 124 مستعملة وحبيت تطلع رخصة ورحت تمتحن فى المرور وفشلت فى الامتحان ... واحد صحبك له معرفة فى المرور قالك روح الامتحان وملكش دعوة ادخل فى البرميل وكسر الدنيا وهنجحك

1- ارفض عرضة بكل كبرياء وادخل الامتحان مرة تانية وتلته وابيع العربية قبل ما خد الرخصة
2- احمد ربنا وابوس ايدى شعر ودقن واحاول فى الامتحان وخبطش برميل كتير والرخصة توصل لحد البيت

السؤال الثالث
رايح تقدم فى مسابقة وظيفة جديدة وولدك كلم لك واحد صحبة وجب لك اسئلة امتحان الوظيفة
1- اقول له عيب يابابا مش انا اللى اعمل كدا واعتمد على نفسى ويجى واحد تانى معاه الاسئلة ياخد الوظيفة
2- ابرشم الاجوبه واخدها معايا الصبح واظبط نفسى

السؤال الرابع
خلصت الكلية وجالك خبر الجيش وقالوا انهم هيخدوا ظباط احتياط كتير السنة دى عمك قال لك ولا يهمك انا ليا عميد فى الجيش حبيبى ياتاخد سنة وحدة يااما اعفى

1- ارفض طبعا بكل عزة وكرامة وقول يا عمى انا عاوز ادخل الجيش تلات سنين عشان اشوف المر والويل بعنيا واضيع تلات سنين من عمرى واصحابى اللى اخدو اعفى يسبقونى ويبقى فى فرق بينا تلات سنين
2- ازغرد واهيص ويوم ما خد شهادة الاعفى افرق نابت فى الحارة

والان ان كانت اجاباتك رقم واحد فانت احد الاثنين
الاول انسان انوى نادر الوجود فى مجتمعنا انقرض منذ العصور السحيقة
الثانى انسان مختل عقليا

واما ان كنت قد اخترت الاجابة رقم اتنين فانت واد ميا ميا وقد اخترت الاجابة الصحية


اشكركم لحسن القراءة
وانتظر تعليقاتكم