يا زميلى انا عمله لك كوسه

الواسطة قدر ونصيب لا مفر منه واقتناع أساتذة الجامعات بعبقرية أبنائهم شئ مفروغ منه
فأبن الأستاذ تظهر عليه علامات الذكاء بمجرد دخوله الكلية حتى لو كان يعانى أعراض عته هستيري أو تخلف منغولى مزمن منذ الولادة
والكوسة محصول تخطى كل المحاصيل الزراعية والغريب أن اللي بيأكلها هم أبناء المحظوظين فقط
كما إن بعض الأساتذة مؤمنون بمبادئ الهندسة الوراثية وخصوصا الاستنساخ وهو أن يترك في الكلية نسخة " فوتو كوبي " ويا حبذا لو في نفس القسم
لا و الغريب أنهم بيحاربوا الطلبة الغلابة المجتهدين
صحيح ازاى يتجرءوا ويفكروا في أنهم يكونوا معيدين أو دكاترة
هيا القطة كلت ولادها ولا القوالب نامت والانصاص قامت
فوضعوا خطه استراتيجيه متخرش الميه تلخص هذه الظاهرة الواساطه والبارانويا والانتفاخ وإعطاء الغلابة إحساس بان الاساتذه الهه على الأرض وكيف يتخيل الرعاع أن يكون لهم مكان وسطهم
إليكم الخطة التي وضعها احد الاساتذه لزملائه لتنجيح المحظوظين وقهر الغلابة :-

• أن يكون الممتحن أذكى من الطالب وأكثر لؤما وخبثا منه
• أن تثبت للطالب انه حمار وان معلوماته زى معلومات القرموطى في الاندماج النووي حتى لا يفكر في الاعتراض على الدرجة
• خلص على الطالب بدري بدري علشان تلحق تروح على الغدا
• ضع الطالب فى حجمه الحقيقي وفهمه جيدا هو بيتكلم مع ميين
• حاول ان تسحق الطالب من اول سؤال ليتحقق الهدف مبكرا
• اخبط اصعب سؤال عندك فى الأول الواد حيفرفر وماياخدش فى ايدك غلوة حتى لو الأسئلة سهله
• لو قفلت فى وشك ومالقتش غير سؤال سهل قوله بطريقة معقدة وملتوية عشان يضرب لخمه
• استدرجه لغلطه هايفه وصلحها له برذالة واسأل السؤال اللي بعده بسرعة قبل ما يلحق يصلحها وامسكها له ذله
• لما يقع فى حفره وميبقاش عارف يطلع ما تحاولش تساعده وأتنهد بقرف واسأله سؤال تانى او اطرده بره
• لو لقيته بدا يتوصل للاجابه الصحيحة قفلها وقوله انا عايز الاجابه على طول
• استعمل احيانا بعض الاسئله من نوع
• انت يا بنى مش خدت الحاجات دى فى سنه اولى ؟
• انت نجحت ازاى فى ثانوية عامه ازاى ؟
• انت اهبل ياله ؟
• اقعد انت والممتحنين فى دايره حواليه عشان يقعد يلف يمين وشمال فتتلوح رقبته ويطلع من الامتحان عنده انزلاق غضروفي وتيبس فى عضلات الرقبه
• حاول تقعد بعيد واختار وقت ما يكون باصص للممتحن البعيد وأديله سؤال قصير وسريع وما تعدش السؤال مهما حصل
• ولو الطالب فى اخر سنه قوله بعد ما يخلص بالتوفيق واتمنى أشوفك بخير السنة الجايه



اما بقى الاحتياطيات اللى لازم ياخدها الأستاذ علشان ميظلمش ابن أخيه الأستاذ حقولها لكم المرة الجايه

انا فى انتظار باقى الاحتياطيات انى منتظر