الحلقه الخامسه عشر**يوميات اتنين مخطوبين

من طرف **muslema_99** 2007-09-06, 12:41 am

ماكنتش متخيله اني الامور هاتوصل بيا انا وعمر للدرجادي ...يااااااااااااااه خسارة ياعمر ..بجد خسارة..مرت تلات ايام

عليا انا وعمر مش بنكلم بعض ولما كلمني فاتحني في اننا نأجل الفرح ..للدرجادي يا عمر انت مش طايقني..رفضت

بشده بس ده كان قرار..اعمل ايه طيب ؟؟؟ اقول ايه لاهلي اللي حضروا نفسهم للفرح وعزموا الناس؟؟لالالا اكيد عمر

بيقول كده بس عشان ينرفزني وكل حاجه هاتتم في معادها!!! ليه يا عمر تحطني في الموقف ده ليه..

سارة

يااااااه يا سارة..كل همك المنظرة وبس ومش هامك اي حاجه تاني ..معقول انتي انانية بالشكل ده..كل تفكيرك في

المظاهر ومش عامله حساب ليا يارب انت اللي عالم ان زعلي مش علي فلوس..فداها كنوز الدنيا كلها ..بس هيا مش

مقدرة حاجه وانا محرج جدااااااا من والدي..

لأ لازم اعاقبها عشان بعد كده ما ماتخلفش أي اتفاق نتفق عليه..بس هيا وحشتني اوي ...اتقل بقي يا واد يا عمر..وخليك

في البلاوي اللي وراك ده لسه العفش والستاير والنجف والقايمه ...والله احسن حل نأجل الفرح..

عمر

قعدت في اوضتي والتفكير هايقتلني..وماقدرتش احوش دموعي وانهرت وصوتي طلع..ودخلت ماما لاقتني منهارة

وبعيط ..اتجننت مالك ياسرة وانا مابردش..مالك يا بنتي جرالك ايه ..بسم الله الرحمن الرحيم..اهدي بس كده..

مالك بقي يا سارة قوليلي..بصراحه ماعرفتش اقول ايه..بس قولت لماما علي كل حاجه وحسيت اني ارتحت بس طبعا

الدنيا اتقلبت....ماما وبابا اتصلوا بحمايا المصون ومن كلامهم هو جه علي طول عندنا..ومحاورات ساخنه وخناقات

وحمايا قام مشي وهو زعلان..والنتيجه كانت فسخ الخطوبة...يإما الفرح يتم في معاده...

سارة

فوجئت ببابا داخل

- سيبها يا عمر هو اللي خلقها ما خلقش غيرها..انا علي اخر الزمن اروح واتهزأ كده..

-ايه بس يا بابا مالك ايه اللي حصل

-ماحصلش..لو اتجوزت البنت دي لا انت ابني ولا اعرفك ولا ليا دعوة بيك ولا بجوازك..

-اهدي بس يابابا في ايه ايه اللي حصل

-روحت وهزأوني ترضي لابوك التهزيأ..

-لأ طبعا يا بابا انا حالا هاخدلك حقك

-الو...السلام عليكم

-وعليكم السلام يا عمر يا ابني

-بص يا عمي..انا مش هاتكلم كتير ..بس اللي بيني وبين بنتك خلاص انتهي واعتبر ان الموضوع منتهي..وهابعتلك حد

عشان ياخد الحاجه

-طيب يا ابني كتر خيرك
..........................

ايه اللي انا عملته ده ...اما ابعت رساله سارة واقولها ماتصدقش أي حاجه واني متلخبط اوي الايام ده ومش مركز في

قراراتي..وماتصدقش أي حاجه تتقالها..يارب يا سارة تقدري موقفي..وبعدين دلوقتي..انا مش هاقدر اكلم سارة ولا

اشرحلها حاجه أبداا..يعني ايه كل حاجه خلاص انتهت ..لأ مش معقول..انا ماصدقت لاقيت سارة..هابعتلها رساله تاني

اقولها اني ما اقدرش استغني عنها مهما حصل ...يلا يا سارة ردي عليا؟؟!!!
عمر

انا ذهلت اول ما ماما دخلت الاوضه وحكتلي علي مكالمة عمر..طبعا انهرت..معقول يا عمر تبعني بالبساطة والسهوله

دي..انا رخيصه عندك للدرجادي..ولاقيت رساله جت ..ده عمر ..عمر بعتلي رساله يا ماما..قريت الرساله

وفرحت..فرحت اوي ..أول مرة احس ان فعلا عمر بيحبني..حسيت بكل كلمة كاتبها وحسيت بصدق مشاعره..يا حبيبي

يا عمر..بس طبعا ماما اصدرت اوامر اني ما اردش عليه.. ..ايه ده ده بعتلي رساله كمان..يا سلام عليك يا

عمر..نسيتني كل حاجه بكلامك الجميل ده..طيب وبعدين هانفضل مانكلمش بعض كده كتير..طيب وكلامه مع بابا؟؟؟انا

محتارة اوي..وبعدين خالتي اتصلت وقالت ان عمر كلمها..وقالها انه مايقدرش يستغني عني وانه هايعمل كل اللي احنا

عايزينه..يارب يارب يارب استر..مر اليوم كله كئيبوتاني يوم اتفاجئت بعمر بيتصل..طلعت لبابا وماما وقولتلهم عمر

بيتصل ممكن أرد عليه..فوافقوا..الحمدلله

-السلام عليكم ورحمة الله وبركاته

-وعليكم السلام ورحمة الله وبركاته

-0000000000

-ازيك يا سارة ..عاملة ايه..واخبارك ايه

-الحمدلله ..كويسه..وانت عامل ايه

-انا كويس طول ما انتي كويسه..انا افتقدك أوي ياسارة..اوعي تغيبي عني تاني..انا ما اقدرش استغني عنك أبدااااااااااااا
-وانا كمان والله يا عمر 0000

-بصي ياسارة ..كل حاجه هاتبقي في معادها وهاننزل انا وانتي ان شاء الله ونختار عفشنا وكل حاجه هتامشي تمام ان

شاء الله.
-بجد ياعمر..ان شاء الله0000بس0000

-بس ايه؟؟؟

-انت نسيت انك نهيت الموضوع مع بابا!!!

-انا هاكلمه دلوقتي ان شاء الله وهاتأسفله ..ماتقلقيش يا قمرى

-ان شاء الله وبابا هايقبل اعتذارك ان شاء الله..يلا خلي بالك من نفسك..

-وانتي كمان..وماتزعليش مني ياسارة

-انا ما اقدرش ازعل منك أبدااااااااااا..في امان الله

-في امان الله

ياااااااه يا سارة اخيرا كلمتك وسمعت صوتك...انا حاسس اني ارتحت اوي اوي اوي..أما اكلم حمايا العزيز اعتذرله

بقي ..عشان الموضوع ده يخلص ونفضي للي ورانا..

خلصت مكالمة عمر وانا طايرة من الفرحه وصليت ركعتين شكر لله ..الحمدلله الحمدلله الحمدلله..وبعدين لاقيت ماما

بتقولي ان عمر كلم بابا واعتذرله..يااااااااااااااااااااه الحمدلله الحمدلله الحمدلله...

مراسبوع والحمدلله الامور هاديه والامن مستتب..ونزلنا الحمدلله واشترينا العفش الحمدلله..ومرت الايام واقترب يوم

الزفاف

معقول النهارده ليلة الحنا..بجد مش مصدقه في دماغي مية شغلانه..انا دلوقتي في الكوافير واصحابي واهلي مستنيني

عشان أحييلهم الليله ...
سارة

من طرف engmohamed 2007-09-06, 1:03 am

لايوجد حلاوة بدون دخان ولكى يصل الانسان الى مراده لابد ان يلاقى صعوبات كثيرة ولابد له ان يتجاوزها

من طرف NOR_ELGENAN 2007-09-06, 11:16 pm

نعم اخى هذا ما يجب ان يعلمه كلا منا

ولا يتضايق من الصعاب

بل يقف امامها ويكون حقا رجلا امام الصعاب جلدا قويا

وفى هذه الاوقات تشعر المراه برجولة الرجل فى المواقف الحرجه والصعبه

فليحظر الرجال لان فى هذه المواقف

تقاس الرجوله الحق

كما تقول احد الزوجات

أحب ان ارى زوجى امام الصعاب

اشعر حقا برجولته وانى سندى واننى استطيع ان ارمى عليه احمالى واعتمد عليه

من طرف **muslema_99** 2007-09-06, 11:27 pm

نعم اخى هذا ما يجب ان يعلمه كلا منا

ولا يتضايق من الصعاب

بل يقف امامها ويكون حقا رجلا امام الصعاب جلدا قويا

وفى هذه الاوقات تشعر المراه برجولة الرجل فى المواقف الحرجه والصعبه

فليحظر الرجال لان فى هذه المواقف

تقاس الرجوله الحق

كما تقول احد الزوجات

أحب ان ارى زوجى امام الصعاب

اشعر حقا برجولته وانى سندى واننى استطيع ان ارمى عليه احمالى واعتمد عليه

الحلقه الخامسه عشر**يوميات اتنين مخطوبين

الحلقه الخامسه عشر**يوميات اتنين مخطوبين

رد: الحلقه الخامسه عشر**يوميات اتنين مخطوبين

رد: الحلقه الخامسه عشر**يوميات اتنين مخطوبين

رد: الحلقه الخامسه عشر**يوميات اتنين مخطوبين