دخول

لقد نسيت كلمة السر

 
المواضيع الأخيرة
» ليتـك أنـت الميـت يا أبـي...!!
2010-11-19, 4:43 pm من طرف مشجع الزعيم

» جورج وعيد الأضحى
2010-11-19, 4:41 pm من طرف مشجع الزعيم

» إنما المؤمنون إخوة
2010-11-19, 4:39 pm من طرف مشجع الزعيم

» ذلك هو الفوز العظيم
2010-11-19, 4:36 pm من طرف مشجع الزعيم

» الكسل لايطعم العسل
2010-11-19, 4:33 pm من طرف مشجع الزعيم

» للاتصال 3000 دقيقه مجانا ولفترة محددة ادخل بسرعه
2009-10-09, 12:58 am من طرف مشجع الزعيم

» قوانين لن يسمح بتجاوزها
2009-10-09, 12:52 am من طرف مشجع الزعيم

» على السادة الاعضاء الدخول هنا فورا
2009-10-09, 12:46 am من طرف مشجع الزعيم

» من نحن
2009-10-06, 6:26 pm من طرف احمد صلاح

» شوفتو اللى حصل
2009-09-30, 9:21 pm من طرف بنت الاسلام

» الان ولفترة غير محدودة احجز مقعدك فى الجنة التذاكركتييير
2009-09-15, 9:51 pm من طرف moazhassan

» صحيت من النوم فجأة
2009-09-15, 9:22 pm من طرف moazhassan

» عايز فلوس على النت وتشترى اللى انت عايزية يبقى والله من هنا
2009-09-15, 9:15 pm من طرف moazhassan

» هل تعرف ماهى عقوبة الكذب عند النمل؟
2009-08-06, 11:23 am من طرف medo

» فيديو كليب سيطير النوم من عينك
2009-07-28, 12:35 pm من طرف moazhassan

» ملك لسنة واحدة فقط
2009-07-19, 1:08 am من طرف مشجع الزعيم

» مكتبة فديوهات لرائد التنميه البشريه الدكتور/ إبراهيم الفقي
2009-07-15, 1:19 pm من طرف muslema_99

» شعار الامتحانات
2009-04-29, 5:54 pm من طرف shmas_elasel

» ساكتة لسة!!!!!!!!
2009-04-29, 5:51 pm من طرف shmas_elasel

» صالات للجلوس............
2009-04-29, 5:46 pm من طرف shmas_elasel

 


الحلقه *السادسه* ...يوميات اتنين مخطوبين

اذهب الى الأسفل

الحلقه *السادسه* ...يوميات اتنين مخطوبين

مُساهمة من طرف muslema_99 في 2007-08-20, 1:00 am

يوم شراء الشبكة !!

يارب اليوم ده يعدى على خير !! امبارح زارنا عمر ووالده ووالدته وكانت زيارة جميلة أهل عمر

فرحانين بى جدا وقعدوا مع ماما وبابا وهات يا كلام وانا وعمر انتهزناها فرصة طبعا وأخدنا جنب بعيد و اديناها رغى

وتهريج لحد ما لقينا صوت الكلام بين الاباء انخفض والوجوه اتوترت شوية وواضح ان فيه مشكلة فى الجو 000 وكل

اللى سمعناه انا وعمر شوية كلمات زى ( لا لا ده قليل اوى !) ( لا ده كده حرام! ) وحاجات زى كده حاولنا نفهم فيه ايه

مفيش فايدة 0000لحد ما والد عمر ووالدته استأذنوا فجأة بدون سابق انذار !! وعمر حصلهم بسرعة وانا واقفة فاتحة بقى

ومش فاهمة حاجة خالص !!! وسألت ماما عن اللى حصل ماردتش على وسمعتها بتقول وهى ماشية ( ابتدينا بقى النكد

ده ايه وجع القلب ده !! ) يا ما شاء الله ربنا يستر !!

سارة


(انا مش فاهم حاجة خالص أقدر أعرف فيه ايه ؟) قلتها لأمى وأبى واحنا فى العربية اعتراضا منى على

نزولهم المفاجىء من بيت سارة 000 ردت على ماما وقالت لى ( مش عاجبهم يا سيدى اننا نجيب شبكة ب5 تلاف جنية

00 قال عاوزين شبكة ب 8 تلاف قال 00 هو حد لاقى عرسان فى الزمن ده ؟ )

رد عليها بابا ( انتى كبرتى الموضوع وقلبتيه فصال وأحرجتينا مع الناس 00 ليه كده ؟ )

حسيت بخجل وارتباك كبير يا خبر ابيض دلوقتى سارة تقول علينا ايه ؟ قلتها فى سرى ولم استطع نطق كلمة لأنى لا أجرؤ

حتى على الاعتراض لأنهم هم من سيدفعون ثمن الشبكة 000 اه ياربى لو كان المال مالى كنت جبت لها كنوز الدنيا 000

يا ترى يا سارة بتفكرى فى ايه دلوقت ؟؟؟

عمر


ربنا يستر البداية لا تبشر بخير انا عن نفسى مش مشكلة عندى الشبكة واصلا لا احب الذهب وافضل

عليه الفضة لكن المشكلة الحقيقية ان يكون الناس دى بخلاء دى تبقى كارثة !!! طب وعمر رد فعله ح يكون ايه ؟ يا ترى

حيفضل ساكت ؟ وح يوافق على كلام اهله بدون اعتراض ؟

افقت من أفكارى وماما بتفتح لى باب العربية وبتصرخ فى وتقولى ( يالا يا بنتى محل الجواهرجى اهه والناس مستنيانا

جوة 00)
سارة


ياااه اول مرة أبقى خايف وانا باشوف سارة انا بجد خايف احسن تحصل مشكلة وانا مش فى ايدى حاجة

اصلا 000 مديت ايدى وسلمت على الجميع سارة شكلها لم تنم جيدا واضح على وجهها الارهاق وفى عينيها نظرة تساؤل

وانتظار 0000

ولاحظت علامات تحفز وعصبية على وجه حمايا وحماتى ومثلهم على وجه ابى وامى 000 دى الحرب العالمية التالتة ح

تقوم ربنا يستر ياااااااارب

عمر


انا مش عاوزة دهب ولا مشاكل انا عاوزة الموقف ده يعدى واروح وخلاص 000 ده الجواز ده كله

توتر وحواديت !!! حمايا قال لى (اختارى ياعروسة الى يعجبك )

وانا اصلا مش باعرف اقدر قيمة الدهب كويس وخصوصا انه نار الايام دى 00 مددت يدى على طقم دهب ابيض على

شكل ضفيرة وبه فصوص كثيرة وقلت حلو ده 00 امتعضت حماتى وقالت ( لالالا الدهب الابيض مصنعيته غاليه اوى

والفصوص بتخسر لما تحبى تبيعيه ) بصيت لعمر لقيته ساكت تماما 000 اتضايقت بس قلت عندها حق اشوف حاجة

تانية

اختارت لى ماما طقم اخر وقبل ما ألمسه حماتى العزيزة قالت ( لا لا لا ده شكله تقيل وغالى جدا احنا ما اتفقناش على

كده ) وعمر لا ينطق بكلمة 00 اتضايقت جدا كان نفسى يقول لها سيبيها تختار اللى هى عاوزاه 00 لكنه صامت تماما

همت ماما بالكلام لكن بابا منعها كى لا يزيد الجو اشتعالا وقال لى اختارى حاجة تانية ياسارة اخترت واحد تانى لم يعجبنى

لكن علشان أخلص وخلاص وبعد معرفة ثمنه اعترضت وقالت( لا برضه غالى !!! )

انت رأيك ايه يا عمر ؟ قلتها له وكلى ترقب لما سيقول رد على وهو يتحاشى النظر الى ( اللى تتفقوا عليه انا موافق

عليه !!) ياااه هو ده اللى ربنا قدرك عليه ؟ امال امتى ح تدافع عنى ؟ قلتها فى سرى وكى لا أبكى او انفجر فى وجهه

قلت لحماتى اختارى انتى يا طنط اللى يعجبك !!!

وبالفعل اختارت طقم يناسب المبلغ المقدس تماما ووافقت ماما تحت ضغط نظرات بابا النارية ولم انظر الى الطقم وتركتهم

يكتبون الفاتورة وجلست فى صالون بعيد فى المحل وانا اقاوم البكاء والانفجار من موقف عمر السلبى فى اول احتكاك

حقيقى

ورأيته قادم يبتسم ويقول لى ( مبروك عليكى االشبكة ياعروسة ) رديت عليه والكلمات تخرج من فمى مثل الرصاص (

مبروك عليك انت انا مش عاوزاها ولا عاوزاك !!!!)

سارة


ياااااااااااااااااه كل ده...ربنا يستر..يا ترى ايه الموضوع خلاص كده عمر هيسيب ساره ولا ايه الهيحصل؟؟؟
ربنا يستر
avatar
muslema_99
الباشا الكبير
الباشا الكبير

انثى عدد الرسائل : 544
العمر : 32
الهوايه : الكمبوتر والنترنت والشعر
تاريخ التسجيل : 11/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الحلقه *السادسه* ...يوميات اتنين مخطوبين

مُساهمة من طرف Eng_metwaly في 2007-08-20, 4:21 am

ياريت تجمعى الحلقات كلها فى ((ما بعد الجامعة عشان خاطر هى حلقات مؤثرة وتعبر عن واقع المجتمع المصرى الملئ بالعجائب لأنى لم أقرأ إلا الحلقة الأولى والسادسة))
ونسأل الله عزوجل أن يجعل هذا الوقت فى ميزان حسناتنا
avatar
Eng_metwaly
قربت كتير
قربت كتير

ذكر عدد الرسائل : 321
العمر : 29
الهوايه : حاجات كتير
تاريخ التسجيل : 01/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

نعم..... نحن نعيش فى دنيا العجائب

مُساهمة من طرف Eng_metwaly في 2007-08-23, 4:23 pm

أنا عايز أسأل سؤال هو ليه المجتمع ممكن يحرم خطيب ومخطوبته من إقامة بيت والعيش فى سعادة وهناء من أجل مبلغ مالى مهما كانت قيمته
ليه دايما الناس بتحب الفشخرة(لا مؤاخذة على الكلمة دى) فى مواضيع الجواز بالذات .........
مع أن أهل العروسة مثلا بيسلموا بنتهم (أعز مالديهم) عشان خاطر تتجوز
ألم يقل النبى صلى الله عليه وسلم " أقلهن مهوراً أكثرهن بركة" ألم يقل "من جاءكم من ترضون دينه وخلقه فزوجوه"
avatar
Eng_metwaly
قربت كتير
قربت كتير

ذكر عدد الرسائل : 321
العمر : 29
الهوايه : حاجات كتير
تاريخ التسجيل : 01/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الحلقه *السادسه* ...يوميات اتنين مخطوبين

مُساهمة من طرف muslema_99 في 2007-08-23, 8:35 pm

نعم عندك حق اخى
ولكن
الان دينه وخلقه بقت صعبه اوى
انا عن نفسى كنت بحسب ان فى اناس مثل صحابة رسول الله (صلى الله عليه وسلم)لكن اكتشفت انى مخطأه
بجد يا ريت نلاقى حقا من قال عنه رسولنا من ترضون دينه وخلقه بجد بقوا نادرين ويمكن مش موجودين من الاساس
أظن فى بنات كتير تبحث حقا عن الزوج الذى يحميها ويكون عونا لها على امور دينها ودنياها
ولكن..............
الله المستعان
وانا معك طبعا ان الاهل وخاصه اهل البنات بقوا صعبيناوى فى طلبتهم ولا يشعرون بالشباب
فى اوقات نشعر ان ابائنا لا يعرفون الحب ولا الاحاسيس الجميله ولكن
علينا بالدعاء وعلينا ان نكون نحن فى المستقبل هؤلاء الأباء الذين كنا نتمناهم
avatar
muslema_99
الباشا الكبير
الباشا الكبير

انثى عدد الرسائل : 544
العمر : 32
الهوايه : الكمبوتر والنترنت والشعر
تاريخ التسجيل : 11/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الحلقه *السادسه* ...يوميات اتنين مخطوبين

مُساهمة من طرف Eng_metwaly في 2007-08-26, 12:50 am

عندك حق نحن فى زمن عز فيه الرجال بس صدقينى لو الواحد أخلص مع الله عزوجل بجد ودعا الله أن يعطية الزوج الصالح الذى يعينه على أمور الدنيا والأخره إن شاء الله يستجيب
والله المستعان
avatar
Eng_metwaly
قربت كتير
قربت كتير

ذكر عدد الرسائل : 321
العمر : 29
الهوايه : حاجات كتير
تاريخ التسجيل : 01/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى