دخول

لقد نسيت كلمة السر

 
المواضيع الأخيرة
» ليتـك أنـت الميـت يا أبـي...!!
2010-11-19, 4:43 pm من طرف مشجع الزعيم

» جورج وعيد الأضحى
2010-11-19, 4:41 pm من طرف مشجع الزعيم

» إنما المؤمنون إخوة
2010-11-19, 4:39 pm من طرف مشجع الزعيم

» ذلك هو الفوز العظيم
2010-11-19, 4:36 pm من طرف مشجع الزعيم

» الكسل لايطعم العسل
2010-11-19, 4:33 pm من طرف مشجع الزعيم

» للاتصال 3000 دقيقه مجانا ولفترة محددة ادخل بسرعه
2009-10-09, 12:58 am من طرف مشجع الزعيم

» قوانين لن يسمح بتجاوزها
2009-10-09, 12:52 am من طرف مشجع الزعيم

» على السادة الاعضاء الدخول هنا فورا
2009-10-09, 12:46 am من طرف مشجع الزعيم

» من نحن
2009-10-06, 6:26 pm من طرف احمد صلاح

» شوفتو اللى حصل
2009-09-30, 9:21 pm من طرف بنت الاسلام

» الان ولفترة غير محدودة احجز مقعدك فى الجنة التذاكركتييير
2009-09-15, 9:51 pm من طرف moazhassan

» صحيت من النوم فجأة
2009-09-15, 9:22 pm من طرف moazhassan

» عايز فلوس على النت وتشترى اللى انت عايزية يبقى والله من هنا
2009-09-15, 9:15 pm من طرف moazhassan

» هل تعرف ماهى عقوبة الكذب عند النمل؟
2009-08-06, 11:23 am من طرف medo

» فيديو كليب سيطير النوم من عينك
2009-07-28, 12:35 pm من طرف moazhassan

» ملك لسنة واحدة فقط
2009-07-19, 1:08 am من طرف مشجع الزعيم

» مكتبة فديوهات لرائد التنميه البشريه الدكتور/ إبراهيم الفقي
2009-07-15, 1:19 pm من طرف muslema_99

» شعار الامتحانات
2009-04-29, 5:54 pm من طرف shmas_elasel

» ساكتة لسة!!!!!!!!
2009-04-29, 5:51 pm من طرف shmas_elasel

» صالات للجلوس............
2009-04-29, 5:46 pm من طرف shmas_elasel

 


إزاي تقابلي العريس لأول مرة؟‏

اذهب الى الأسفل

إزاي تقابلي العريس لأول مرة؟‏

مُساهمة من طرف ايديا في جيوبي في 2008-02-14, 12:17 am

إزاي تقابلي العريس لأول مرة؟‏



هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي


علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيبطبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها

ماتخافيش.. إحنا دلوقتي هنمشي معاكي خطوة خطوة ونقول لك تعملي إيه

*******
الخطوة الأولى

جهزي نفسك نفسيا ومظهريا

1-
علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي
3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبيّنك أكبر من سنك واوعي تنسي تختاري الألوان اللي تكون مناسبة عليك وتنور وشك


4-
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم
5-
ياريت في اليوم ده ما تكتريش في المكياج علشان ما تبقيش عاملة زي البلياتشو.. وخليك بسيطة جدا في مكياجك يعني كفاية أووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي
6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده

*******

الخطوة التانية


أثناء اللقاء نفسه
1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي
2-
لو مامته جات معاه ياريت تخلّي بالك منها وبلاش تكشّري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها
3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه
4-
لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك
5-
خليكي جريئة ولو وجه لك الكلام ردي عليه بذوق من غير كسوف

*******

كمان خدي بالك أوووي
1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه

واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة
2-
لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه

*******

الخطوة الثالثة

بعد انتهاء اللقاء

بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك

_________________
أنـــــــــــــــــــــــا
محتاج بـــــــــراح
وأبقى بميت جناح
وألمس السمــــــــا
avatar
ايديا في جيوبي
كله يوسعله
كله يوسعله

ذكر عدد الرسائل : 145
العمر : 32
الهوايه : الـقـراءة
تاريخ التسجيل : 14/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إزاي تقابلي العريس لأول مرة؟‏

مُساهمة من طرف NOR_ELGENAN في 2008-02-15, 10:12 am

السلام عليكم ورحمه الله وبركاته
والله موضوع جميل ونصائح هامه ومن اجملهم الدخول عليهم بالابتسامه كمان عدم الضحك وعدم الكسوف

بس اعتقد الحاجات دىة بتبقى غصب عن البنتمش بمزاجها
يلا الله المستعان
مشكوووووووووووووووووووووووور اخى الكريم king

_________________
يا جماعه بشرى ساره

اول مدونه درعميه فى تاريخ الدراعمه
avatar
NOR_ELGENAN
الباشا الكبير
الباشا الكبير

انثى عدد الرسائل : 552
تاريخ التسجيل : 23/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إزاي تقابلي العريس لأول مرة؟‏

مُساهمة من طرف muslema_99 في 2008-02-19, 9:23 am

السلام عليكم
موضوع جميل استفدنا منه حقا
بسفيه شويه حاجات
ملحوظاااات
مش ينفع الميكب خالص
لان مش جميل انها تغير فى خلقها ولون بشرتها وشفايفها
ان ينظر اليها بطبيعتها يبقى افضل
ممكن تتوضئ
وتصلى كعتين حاجه
وان شاء الله ربنا يرزقها السكينه والهدوء
وفعلا الامر بيبقى فى غاية الصعوبه
بس الله المستعان
avatar
muslema_99
الباشا الكبير
الباشا الكبير

انثى عدد الرسائل : 544
العمر : 32
الهوايه : الكمبوتر والنترنت والشعر
تاريخ التسجيل : 11/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إزاي تقابلي العريس لأول مرة؟‏

مُساهمة من طرف nona في 2008-02-21, 1:44 am

بجد ما شاء الله عليك اخى الكريم لخصت الحكايه كلها فى جمل بسيطه بس انا مع مسلمه فى موضوع الميك اب وكمان انت نسيت الاستخاره فبل كل شئ حتى قبل ما تقبله اصلا
وفى النهايه بجد جزيت خيرا على النصائح
avatar
nona
قربت كتير
قربت كتير

انثى عدد الرسائل : 411
العمر : 38
تاريخ التسجيل : 30/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إزاي تقابلي العريس لأول مرة؟‏

مُساهمة من طرف د.جنة في 2008-06-11, 1:03 am

ما شاء موضوع مفيد وجميل بصراحة
بس باحب أؤكد على نقطة ذكرتها اختنا واظهرتها جليا وهى الميكياج فأنا معها فعلا ان الموضوع محتاج ان البنت تكون على طبيعتها يعنى تكتفى بشوية ماسكات قبل الزياردة ديه وان شاء الله الماسكات هتعمل الواجب كله

وفى الاول والاخر طبعا ركعتين حاجة ان ربنا يقدر الخير كله

النقطة التانية ياريت لو تكون الاسئلة فى الحاجات المهمة يعنى

هدفك ايه لبكرة؟
ايهاكتر حاجة ممكن ترضيك منى او تضايقك منى؟
كده يعنى اعتقد ده هيخليكى تفهمى شخصية عريسك اكتر

جزاكم الله خيرا بجد على الموضوع الجميل ده
avatar
د.جنة
يا اهلا وسهلا
يا اهلا وسهلا

انثى عدد الرسائل : 8
العمر : 35
الهوايه : القراءة
تاريخ التسجيل : 31/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إزاي تقابلي العريس لأول مرة؟‏

مُساهمة من طرف جنه في 2008-06-14, 2:38 pm

جزاك الله خيرا Very Happy
بجد موضوع مهم اوي ويريت كلنا ننتبه ونستفيد

جنه
يا اهلا وسهلا
يا اهلا وسهلا

انثى عدد الرسائل : 1
العمر : 34
الهوايه : القراءه والنت
تاريخ التسجيل : 08/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إزاي تقابلي العريس لأول مرة؟‏

مُساهمة من طرف shmas_elasel في 2009-04-29, 5:33 pm

جزاكى الله كل خير
بجد موضوع شيق
انا عن نفسى كنت قابلتهم بالاسدال الخروج
وكنت بتكلم مع مامته بطبيعتى خالص ومش كنت حطيت اى حاجه خالص على وجهى سبحان الله هو ارسل لى نور من عنده
واللى وصلى غلى لسانمامته انها بتشكر فى واحسن حاجه عجبتها ان انا على طبيعتى
فانصحكم اخواتى البنات ان الطبيعه احلى
avatar
shmas_elasel
عضو سخن جدا
عضو سخن جدا

عدد الرسائل : 41
تاريخ التسجيل : 10/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى